नवी दिल्ली : राष्ट्रीय उत्तेजकविरोधी संघटनेचे (नाडा) अधिकारी बुधवारी दिल्लीतील फिरोजशहा कोटला मैदानावर अवतरले आणि त्यांनी दिल्ली-हैदराबाद सामन्यात सहभागी झालेल्या खेळाडूंकडून नमुने गोळा केले. उपाहारादरम्यान 'नाडा'च्या दोन अधिकाऱ्यांनी भेट दिली होती आणि हैदराबादचा सलामीवीर तन्मय अगरवाल व दिल्लीचा सलामीवीर कुणाल चंडेला यांच्या मूत्राचे नमुने घेतले. इतर कोणत्या रणजी सामन्यात हे अधिकारी भेट देतील आणि खेळाडूंची चाचणी करतील हे स्पष्ट झालेले नाही. हे अधिकारी १९, २३ वर्षांखालील मुलांच्या स्पर्धा तसेच महिलांच्या स्पर्धास्थळी भेट देऊन ही कारवाई करणार आहेत. सध्या राष्ट्रीय उत्तेजक चाचणी प्रयोगशाळेवर निलंबनाची कारवाई झाल्यामुळे हे नमुने दोह्यातील मान्यताप्राप्त प्रयोगशाळेत तपासले जातील.
दिल्ली-हैदराबाद सामन्यात उत्तेजक चाचणी
राष्ट्रीय उत्तेजकविरोधी संघटनेचे (नाडा) अधिकारी बुधवारी दिल्लीतील फिरोजशहा कोटला मैदानावर अवतरले आणि त्यांनी दिल्ली-हैदराबाद सामन्यात सहभागी झालेल्या खेळाडूंकडून नमुने गोळा केले.
Maharashtra Times 26 Dec 2019, 5:49 am