वृत्तसंस्था, ओहिओ
अमेरिकेच्या १९ वर्षीय फ्रान्सिस टियाफो हा सध्याच्या घडीला स्पर्धेगणिक प्रगती करणारा टेनिसपटू. जागतिक टेनिस रँकिंगमध्ये ८७व्या क्रमांकावर असलेल्या या उदयोन्मुख टेनिसपटूने सिनसिनाटी येथे सुरू असलेल्या वेस्टर्न अँड सदर्न ओपन टेनिस स्पर्धेच्या दुसऱ्या फेरीत अॅलेक्झँडर झ्वेरेव्हची कडवी झुंज ४-६, ६-३, ६-४ अशी परतवून लावली. गेल्याच आठवड्यात माँट्रिएल स्पर्धेत फेडररला नमवून झ्वेरेव्हने जेतेपद पटकावले होते; पण या स्पर्धेत त्याची डाळ शिजली नाही. फ्रान्सिसने सहावेळा झ्वरेव्हची सर्व्हिस मोडली. तसेच त्याच्या ताकदीच्या सर्व्हिसलाही तोड नव्हती. फ्रान्सिसने आठ एसचा भडीमार करत झ्वेरेव्हला चांगलाच त्रास दिला. तियाफोचा पुढील फेरीत सामना होईल तो अमेरिकेच्याच जॉन इज्नरशी.
नदाल,प्लिस्कोव्हाचे विजय
रफाएल नदाल व कॅरोलिना प्लिस्कोव्हा या अव्वल सीडेड टेनिसपटूंनी सरळ सेटमध्ये विजय मिळवून पुढील फेरीत प्रवेश केला. पावसाचा फटका बसेल्या सामन्यात नदालने रिचर्ड गॅस्केवर ६-३, ६-४ असा विजय मिळवला. तर महिला एकेरीतील अव्वल सीडेड प्लिस्कोव्हाने नतालिया विखलियानतसेव्हावर ६-२, ६-३ मात केली तिला ही झुंज जिंकण्यासाठी ६७ मिनिटांचा अवधी लागला.
सानियाची कूच; राम पराभूत
ओहिओः भारतीय टेनिसपटूंना या स्पर्धेत गुरुवारी संमिश्र यश मिळाले. दुहेरीत सानिया मिर्झाने आगेकूच केली; पण पुरुषांच्या एकेरीत रामकुमार रामनाथनची झुंज अपयशी ठरली. महिला दुहेरीत सानिया व शुई पेंग यांना चौथे सीडिंग आहे. या जोडीने जुलिया जॉर्जेस-ओल्गा सॅव्हचूक या जर्मन जोडीवर ७-५, ६-४ अशी मात केली. सानिया-शुई यांचा पुढील फेरीत सामना होईल तो इरिना-रॅलुका जोडीशी.
वाइल्डकार्डद्वारे स्पर्धेच्या मुख्य फेरीत प्रवेश मिळलेल्या जारेड डॉनल्डसनने भारताच्या रामकुमारवर ४-६, ६-२, ४-६ असा विजय मिळवला. रोहन बोपण्णाने या स्पर्धेच्या दुहेरीत इव्हान डॉडिगसह भाग घेतला आहे.
अमेरिकेच्या १९ वर्षीय फ्रान्सिस टियाफो हा सध्याच्या घडीला स्पर्धेगणिक प्रगती करणारा टेनिसपटू. जागतिक टेनिस रँकिंगमध्ये ८७व्या क्रमांकावर असलेल्या या उदयोन्मुख टेनिसपटूने सिनसिनाटी येथे सुरू असलेल्या वेस्टर्न अँड सदर्न ओपन टेनिस स्पर्धेच्या दुसऱ्या फेरीत अॅलेक्झँडर झ्वेरेव्हची कडवी झुंज ४-६, ६-३, ६-४ अशी परतवून लावली. गेल्याच आठवड्यात माँट्रिएल स्पर्धेत फेडररला नमवून झ्वेरेव्हने जेतेपद पटकावले होते; पण या स्पर्धेत त्याची डाळ शिजली नाही. फ्रान्सिसने सहावेळा झ्वरेव्हची सर्व्हिस मोडली. तसेच त्याच्या ताकदीच्या सर्व्हिसलाही तोड नव्हती. फ्रान्सिसने आठ एसचा भडीमार करत झ्वेरेव्हला चांगलाच त्रास दिला. तियाफोचा पुढील फेरीत सामना होईल तो अमेरिकेच्याच जॉन इज्नरशी.
नदाल,प्लिस्कोव्हाचे विजय
रफाएल नदाल व कॅरोलिना प्लिस्कोव्हा या अव्वल सीडेड टेनिसपटूंनी सरळ सेटमध्ये विजय मिळवून पुढील फेरीत प्रवेश केला. पावसाचा फटका बसेल्या सामन्यात नदालने रिचर्ड गॅस्केवर ६-३, ६-४ असा विजय मिळवला. तर महिला एकेरीतील अव्वल सीडेड प्लिस्कोव्हाने नतालिया विखलियानतसेव्हावर ६-२, ६-३ मात केली तिला ही झुंज जिंकण्यासाठी ६७ मिनिटांचा अवधी लागला.
सानियाची कूच; राम पराभूत
ओहिओः भारतीय टेनिसपटूंना या स्पर्धेत गुरुवारी संमिश्र यश मिळाले. दुहेरीत सानिया मिर्झाने आगेकूच केली; पण पुरुषांच्या एकेरीत रामकुमार रामनाथनची झुंज अपयशी ठरली. महिला दुहेरीत सानिया व शुई पेंग यांना चौथे सीडिंग आहे. या जोडीने जुलिया जॉर्जेस-ओल्गा सॅव्हचूक या जर्मन जोडीवर ७-५, ६-४ अशी मात केली. सानिया-शुई यांचा पुढील फेरीत सामना होईल तो इरिना-रॅलुका जोडीशी.
वाइल्डकार्डद्वारे स्पर्धेच्या मुख्य फेरीत प्रवेश मिळलेल्या जारेड डॉनल्डसनने भारताच्या रामकुमारवर ४-६, ६-२, ४-६ असा विजय मिळवला. रोहन बोपण्णाने या स्पर्धेच्या दुहेरीत इव्हान डॉडिगसह भाग घेतला आहे.