म. टा. क्रीडा प्रतिनिधी, मुंबई
मूळ इंग्रज, पण भारतात जन्मलेल्या आणि इथेच वाढलेल्या नॉर्मन प्रीचर्ड यांनी १९००च्या पॅरिस ऑलिम्पिकमध्ये जिंकलेली दोन रौप्यपदके ही भारताचीच असल्याच्या दाव्यासंदर्भात लोकसभेत उपस्थित करण्यात आलेल्या प्रश्नाची दखल घेत क्रीडामंत्री सर्वानंद सोनोवल यांनी लक्ष घालण्याचे आणि त्यासंदर्भात पावले उचलण्याचे आश्वासन दिले आहे. गेली अनेक वर्षे हा मुद्दा चर्चेत असून ही दोन पदके २००४पर्यंत भारताच्या नावावर दाखविली जात असताना त्यानंतर ती ब्रिटनच्या नावावर दाखवली जात असल्याचा मुद्दा अॅथलेटिक्स सांख्यिकी संघटनेचे सदस्य रमेश खारकर यांनी उपस्थित केला होता. ही बाब त्यांनी भारतीय ऑलिम्पिक संघटना (आयओए) व राष्ट्रपती व पंतप्रधान कार्यालय यांच्याही निदर्शनास आणून दिली होती. गेल्या वर्षी डिसेंबरमध्ये लोकसभेचे खासदार राजन विचारे यांनी लोकसभेत हा मुद्दा उपस्थित केला असता त्यावर क्रीडा मंत्री सोनोवल यांनी त्यांना पत्र पाठवून ही बाब आयओए, भारतीय अॅथलेटिक्स फेडरेशन, एनएसएफ यांच्या निदर्शनास आणल्याचे म्हटले आहे. तसेच आयओए व अॅथलेटिक्स फेडरेशन याबाबत आंतरराष्ट्रीय ऑलिम्पिक संघटनेच्या संपर्कात असल्याचे त्यांनी नमूद केले आहे.
१६ मे १९००मध्ये २०० मीटर अडथळा शर्यतीत प्रीचर्ड यांना रौप्य मिळाले होते. अमेरिकेच्या ऑल्विन क्रेन्झेलिनपेक्षा ते ०.६ सेकंदांनी मागे पडले. त्यांनी २६ सेकंद अशी वेळ दिली होती. २०० मीटर शर्यतीतही प्रीचर्ड यांना रौप्य मिळाले. त्यावेळी कोणतेही देश म्हणून ऑलिम्पिकमध्ये सहभागी होत नव्हते. २००४च्या अथेन्स ऑलिम्पिकनंतर ही पदके ब्रिटनच्या खात्यात दाखविण्यात येऊ लागली. त्यावर खारकर यांनी आक्षेप घेतला आहे. आंतरराष्ट्रीय ऑलिम्पिक समितीने आपल्या नोंदीत ही पदके भारताच्या नावावर असल्याचे दाखवले असले तरी आंतरराष्ट्रीय अॅथलेटिक्स फेडरेशनच्या नोंदींमध्ये मात्र ही पदके ब्रिटनच्या नावावर दाखवली आहेत.
मूळ इंग्रज, पण भारतात जन्मलेल्या आणि इथेच वाढलेल्या नॉर्मन प्रीचर्ड यांनी १९००च्या पॅरिस ऑलिम्पिकमध्ये जिंकलेली दोन रौप्यपदके ही भारताचीच असल्याच्या दाव्यासंदर्भात लोकसभेत उपस्थित करण्यात आलेल्या प्रश्नाची दखल घेत क्रीडामंत्री सर्वानंद सोनोवल यांनी लक्ष घालण्याचे आणि त्यासंदर्भात पावले उचलण्याचे आश्वासन दिले आहे. गेली अनेक वर्षे हा मुद्दा चर्चेत असून ही दोन पदके २००४पर्यंत भारताच्या नावावर दाखविली जात असताना त्यानंतर ती ब्रिटनच्या नावावर दाखवली जात असल्याचा मुद्दा अॅथलेटिक्स सांख्यिकी संघटनेचे सदस्य रमेश खारकर यांनी उपस्थित केला होता. ही बाब त्यांनी भारतीय ऑलिम्पिक संघटना (आयओए) व राष्ट्रपती व पंतप्रधान कार्यालय यांच्याही निदर्शनास आणून दिली होती. गेल्या वर्षी डिसेंबरमध्ये लोकसभेचे खासदार राजन विचारे यांनी लोकसभेत हा मुद्दा उपस्थित केला असता त्यावर क्रीडा मंत्री सोनोवल यांनी त्यांना पत्र पाठवून ही बाब आयओए, भारतीय अॅथलेटिक्स फेडरेशन, एनएसएफ यांच्या निदर्शनास आणल्याचे म्हटले आहे. तसेच आयओए व अॅथलेटिक्स फेडरेशन याबाबत आंतरराष्ट्रीय ऑलिम्पिक संघटनेच्या संपर्कात असल्याचे त्यांनी नमूद केले आहे.
१६ मे १९००मध्ये २०० मीटर अडथळा शर्यतीत प्रीचर्ड यांना रौप्य मिळाले होते. अमेरिकेच्या ऑल्विन क्रेन्झेलिनपेक्षा ते ०.६ सेकंदांनी मागे पडले. त्यांनी २६ सेकंद अशी वेळ दिली होती. २०० मीटर शर्यतीतही प्रीचर्ड यांना रौप्य मिळाले. त्यावेळी कोणतेही देश म्हणून ऑलिम्पिकमध्ये सहभागी होत नव्हते. २००४च्या अथेन्स ऑलिम्पिकनंतर ही पदके ब्रिटनच्या खात्यात दाखविण्यात येऊ लागली. त्यावर खारकर यांनी आक्षेप घेतला आहे. आंतरराष्ट्रीय ऑलिम्पिक समितीने आपल्या नोंदीत ही पदके भारताच्या नावावर असल्याचे दाखवले असले तरी आंतरराष्ट्रीय अॅथलेटिक्स फेडरेशनच्या नोंदींमध्ये मात्र ही पदके ब्रिटनच्या नावावर दाखवली आहेत.