मुंबई : जर्मनीतील 'योगा फोरम' या संस्थेचे प्रमुख डॉ. राईन्हार्ड ब्योगलं यांच्या पुढाकाराने व श्रीमती युटा श्नायडर यांच्या प्रयत्नांनी २००४ पासून म्युनिक येथे मुंबईच्या श्री समर्थ व्यायाम मंदिराच्या मार्गदर्शनाखाली शास्त्रशुद्ध मल्लखांबाचे प्रशिक्षण सुरु झाले. यंदा नुकताच 'समर्थ'चा पाच मल्लखांबपटुंचा संघ उदय देशपांडे यांच्या नेतृत्वाखाली जर्मनीला जाऊन म्युनिकमध्ये मल्लखांबाच्या दोन कार्यशाळा व ऑस्ट्रिया व नेदरलॅण्डस् मध्ये एक कार्यशाळा घेऊन परतला. त्यामुळे आता मल्लखांबाचा प्रसार जर्मनीबरोबरच ऑस्ट्रिया व नेदरलॅण्डस येथेही होत असल्याचे दिसते आहे. या संघात डॉ. सौ. नीता ताटके, वैष्णवी जोशी, तमन्ना संघवी, साक्षी मांजरेकर व ग्रीष्मा देसाई या मुलींचा समावेश होता.
प्रत्येक कार्यशाळेत पन्नास अशा दोन कार्यशाळांमधून शंभर जर्मन मुलांनी मल्लखांबाचे प्रशिक्षण घेतले. नॉयपरलाश स्यूड येथील बेव्होनेरझेंट्रुम येथे पहिली मल्लखांब कार्यशाळा तर लेक स्टार्नबर्ग येथील हाऊस बुखेनरीड येथे दुसऱ्या मल्लखांब कार्यशाळेचे आयोजन करण्यात आले होते. पहिल्या कार्यशाळेत सर्व छोट्या नवीन शिबिरार्थींना लाकडी मल्लखांब व दोरीचा मल्लखांब यावर पायाभूत प्रकार शिकविण्याचे काम ज्येष्ठ प्रशिक्षिका डॉ. सौ. नीता ताटके व ज्येष्ठ जर्मन मल्लखांबपटू कु. रूथ अन्झेन्बर्गर हिच्या मदतीने वरिष्ठ जर्मन मल्लखांबपटूंनीच केले. अनेक वर्षे जर्मनीत स्थायिक असलेली ऋषिल व रुजुल घोरपडे, अर्णव सोहोनी, बनी व समर्थ जेठवानी ही पाच भारतीय वंशाची मुलं देखिल या वर्षी पहिल्यांदाच या शिबिरात दाखल झाली होती.
समर्थमध्ये येऊन अनेक वर्षे मल्लखांब शिकून ऑस्ट्रियात आपल्या घरी परत गेलेल्या युलिया पावर हिने ग्राझ येथे सेंट क्लारा या संस्थेत एक मल्लखांब कार्यशाळा आयोजित केली. तिच्याखेरीज लिसा टामन्त्स्गर व अड्रियन फुक्स यांनी दोरी मल्लखांबावर चांगली चमक दाखविली. तसेच उट्रेक्ट, नेदरलॅण्डस्, येथे गो-फ़िजिओ केंद्रामध्ये प्रवर ओभान या भारतीय योग प्रशिक्षकानी महिला व पुरुषांसाठी दोरीच्या मल्लखांबाचा एक प्रशिक्षण वर्ग आयोजित केला. फेब्रुवारी २०१९ मध्ये मुंबईत होणाऱ्या मल्लखांबाच्या पहिल्या विश्व अजिंक्यपद स्पर्धेत या देशातील खेळाडूही मुंबईकरांना पहायला मिळतील.
प्रत्येक कार्यशाळेत पन्नास अशा दोन कार्यशाळांमधून शंभर जर्मन मुलांनी मल्लखांबाचे प्रशिक्षण घेतले. नॉयपरलाश स्यूड येथील बेव्होनेरझेंट्रुम येथे पहिली मल्लखांब कार्यशाळा तर लेक स्टार्नबर्ग येथील हाऊस बुखेनरीड येथे दुसऱ्या मल्लखांब कार्यशाळेचे आयोजन करण्यात आले होते. पहिल्या कार्यशाळेत सर्व छोट्या नवीन शिबिरार्थींना लाकडी मल्लखांब व दोरीचा मल्लखांब यावर पायाभूत प्रकार शिकविण्याचे काम ज्येष्ठ प्रशिक्षिका डॉ. सौ. नीता ताटके व ज्येष्ठ जर्मन मल्लखांबपटू कु. रूथ अन्झेन्बर्गर हिच्या मदतीने वरिष्ठ जर्मन मल्लखांबपटूंनीच केले. अनेक वर्षे जर्मनीत स्थायिक असलेली ऋषिल व रुजुल घोरपडे, अर्णव सोहोनी, बनी व समर्थ जेठवानी ही पाच भारतीय वंशाची मुलं देखिल या वर्षी पहिल्यांदाच या शिबिरात दाखल झाली होती.
समर्थमध्ये येऊन अनेक वर्षे मल्लखांब शिकून ऑस्ट्रियात आपल्या घरी परत गेलेल्या युलिया पावर हिने ग्राझ येथे सेंट क्लारा या संस्थेत एक मल्लखांब कार्यशाळा आयोजित केली. तिच्याखेरीज लिसा टामन्त्स्गर व अड्रियन फुक्स यांनी दोरी मल्लखांबावर चांगली चमक दाखविली. तसेच उट्रेक्ट, नेदरलॅण्डस्, येथे गो-फ़िजिओ केंद्रामध्ये प्रवर ओभान या भारतीय योग प्रशिक्षकानी महिला व पुरुषांसाठी दोरीच्या मल्लखांबाचा एक प्रशिक्षण वर्ग आयोजित केला. फेब्रुवारी २०१९ मध्ये मुंबईत होणाऱ्या मल्लखांबाच्या पहिल्या विश्व अजिंक्यपद स्पर्धेत या देशातील खेळाडूही मुंबईकरांना पहायला मिळतील.