म. टा. प्रतिनिधी, औरंगाबाद
व्हेरॉक उद्योग समुहातर्फे आयोजित व्हेरॉक करंडक औद्योगिक टी-२० क्रिकेट स्पर्धेत एनआरबी व एमएसईडीसीएल या संघांनी विजयी आगेकूच केली.
एडीसीए मैदानावर ही स्पर्धा होत आहे. पहिल्या लढतीत एनआरबी संघाने फोरबग अँड कंपनी संघाचा सात विकेट्स राखून पराभव केला. यात प्रतिक बोधगिरे, शशीकांत पवार यांनी अर्धशतके झळकावली. गोलंदाजीत सचिन शेडगे, गोरख जाधव, अभिजीत भगत यांनी लक्षवेधक कामगिरी बजावली.
दुसऱ्या सामन्यात एमएसईडीसीएल संघाने हायकोर्ट वकील संघाचा अटीतटीच्या झुंजीत अवघ्या तीन धावांनी पराभव केला. यात ज्ञानेश्वर पाटील, राहुल शर्मा, देवाशिष भावसार, प्रदीप चव्हाण, संदीप सहानी यांनी आक्रमक फलंदाजी केली. गोलंदाजीत अतिक खान, संजय बनकर, दीपक मनोरकर यांनी उत्कृष्ट मारा केला.
संक्षिप्त स्कोअरबोर्ड : १) फोरबग अँड कंपनी संघ : २० षटकात सात बाद १४२ (प्रतिक बोधगिरे ५७, धीरज थोरात २२, अभिजीत भगत १९, निलेश देवराज ११, ओमकार १०, इतर ११, सचिन शेडगे ३-२९, गोरख जाधव २-२९, संदीप राठोड, शशीकांत पवार प्रत्येकी एक विकेट) पराभूत विरुद्ध एनआरबी संघ : १६.५ षटकात तीन बाद १४५ (शशीकांत पवार ५२, महेश निकम २७, संजय मोडक २०, मुस्तफा शाह नाबाद १४, इतर २३, अभिजीत भगत २-१४, पवन कुमार १-२०). सामनावीर : शशीकांत पवार.
२) एमएसईडीसीएल संघ : २० षटकात चार बाद १६८ (राहुल शर्मा ७२, देवाशिष भावसार ४६, प्रदीप चव्हाण ३५, इतर ११, दीपक मनोरकर २-२९, मनोज शिंदे १-३६) विजयी विरुद्ध हायकोर्ट वकील संघ : २० षटकात सात बाद १६५ (ज्ञानेश्वर पाटील ८९, संदीप सहानी ३९, अजय शितोळे १८, अतिक खान ३-३१, संजय बनकर २-१६, कैलास शेळके १-३५). सामनावीर : संजय बनकर.