स्टॉकहोम : ऑलिम्पिक विजेता नीरज चोप्रा डायमंड लीगमध्ये भालाफेक स्पर्धेत सुवर्णपदक जिंकण्याची दाट शक्यता आहे. नीरज जागतिक अॅथलेटिक्समधील या प्रतिष्ठेच्या डायमंड लीग मालिकेतील स्पर्धेत चार वर्षानंतर आज, गुरुवारी प्रथमच सहभागी होणार आहे. त्यामुळे भारताच्या नीरजला आता पुन्हा एकदा सुवर्णपदक मिळणार का, याची उत्सुकता चाहत्यांना नक्कीच असेल.
तुर्कु येथील पावो नूर्मी स्पर्धेत रौप्यपदक जिंकत नीरजने नव्या मोसमास सुरुवात केली. त्याने त्यावेळी ८९.३० मीटरचा राष्ट्रीय विक्रम केला. त्यानंतर नीरजने कुओर्तेन स्पर्धेत ८६.६० मीटर अशी कामगिरी करीत सुवर्णपदक जिंकले होते. फिनलंडमधील या दोन्ही स्पर्धेत नीरजने चांगली कामगिरी करीत चाहत्यांच्या आशा उंचावल्या होत्या. त्यामुळे आता या स्पर्धेत नीरज पुन्हा एकदा सुवर्णपदकाला गवसणी घालणार का, याकडे सर्व भारतीयांचे लक्ष लागलेले असेल.
नीरज चोप्राने यावेळी सांगितले की, "डिसेंबरमध्ये मी सरावास सुरुवात केली. अन्य स्पर्धकांच्या तुलनेत उशिराच पूर्वतयारी सुरू झाली. टोकियो स्पर्धेनंतर १३ ते १४ किलो वजन वाढल्याने तंदुरुस्तीकडे लक्ष दिले. यंदा मुख्य लक्ष्य जागतिक स्पर्धा तसेच राष्ट्रकुल क्रीडा स्पर्धा आहे."
नीरजला डायमंड लीगमधील २०१८ च्या ऑगस्टमधील झ्युरीच स्पर्धेत चौथ्या क्रमांकावर समाधान मानावे लागले होते. त्यापूर्वी तो २०१७ मध्ये तीन आणि २०१८ मध्ये चार स्पर्धात सहभागी झाला होता. स्टॉकहोममधील ही डायमंड लीग जागतिक स्पर्धेपूर्वीची महत्वाची स्पर्धा आहे. या स्पर्धेत ऑलिम्पिकमधील तीनही पदक विजेते सहभागी होतील. जर्मनीच्या जोहानेस वेत्तर याने या मोसमात सर्वोत्तम कामगिरी केली आहे. नीरजने यंदा दोन स्पर्धेत जागतिक विजेत्या अँडरसन पीटर्सला मागे टाकले आहे.
श्रीशंकरची माघारमुरली श्रीशंकर या स्पर्धेत उंच उडीत कसब पणास लावणार होता, मात्र त्याला व्हिसा न मिळाल्याने तो या स्पर्धेत सहभागी होऊ शकणार नाही. श्रीशंकरने जागतिक स्पर्धेसाठी अमेरिकन दूतावासाकडे आपला पासपोर्ट दिला आहे. मात्र तो पासपोर्ट अमेरिकन दूतावासाने लगेच परत न केल्यामुळे श्रीशंकरला स्वीडनच्या व्हिसासाठी अर्ज करता आला नाही.
तुर्कु येथील पावो नूर्मी स्पर्धेत रौप्यपदक जिंकत नीरजने नव्या मोसमास सुरुवात केली. त्याने त्यावेळी ८९.३० मीटरचा राष्ट्रीय विक्रम केला. त्यानंतर नीरजने कुओर्तेन स्पर्धेत ८६.६० मीटर अशी कामगिरी करीत सुवर्णपदक जिंकले होते. फिनलंडमधील या दोन्ही स्पर्धेत नीरजने चांगली कामगिरी करीत चाहत्यांच्या आशा उंचावल्या होत्या. त्यामुळे आता या स्पर्धेत नीरज पुन्हा एकदा सुवर्णपदकाला गवसणी घालणार का, याकडे सर्व भारतीयांचे लक्ष लागलेले असेल.
नीरज चोप्राने यावेळी सांगितले की, "डिसेंबरमध्ये मी सरावास सुरुवात केली. अन्य स्पर्धकांच्या तुलनेत उशिराच पूर्वतयारी सुरू झाली. टोकियो स्पर्धेनंतर १३ ते १४ किलो वजन वाढल्याने तंदुरुस्तीकडे लक्ष दिले. यंदा मुख्य लक्ष्य जागतिक स्पर्धा तसेच राष्ट्रकुल क्रीडा स्पर्धा आहे."
नीरजला डायमंड लीगमधील २०१८ च्या ऑगस्टमधील झ्युरीच स्पर्धेत चौथ्या क्रमांकावर समाधान मानावे लागले होते. त्यापूर्वी तो २०१७ मध्ये तीन आणि २०१८ मध्ये चार स्पर्धात सहभागी झाला होता. स्टॉकहोममधील ही डायमंड लीग जागतिक स्पर्धेपूर्वीची महत्वाची स्पर्धा आहे. या स्पर्धेत ऑलिम्पिकमधील तीनही पदक विजेते सहभागी होतील. जर्मनीच्या जोहानेस वेत्तर याने या मोसमात सर्वोत्तम कामगिरी केली आहे. नीरजने यंदा दोन स्पर्धेत जागतिक विजेत्या अँडरसन पीटर्सला मागे टाकले आहे.
श्रीशंकरची माघारमुरली श्रीशंकर या स्पर्धेत उंच उडीत कसब पणास लावणार होता, मात्र त्याला व्हिसा न मिळाल्याने तो या स्पर्धेत सहभागी होऊ शकणार नाही. श्रीशंकरने जागतिक स्पर्धेसाठी अमेरिकन दूतावासाकडे आपला पासपोर्ट दिला आहे. मात्र तो पासपोर्ट अमेरिकन दूतावासाने लगेच परत न केल्यामुळे श्रीशंकरला स्वीडनच्या व्हिसासाठी अर्ज करता आला नाही.