मुंबई : येत्या २८ ऑक्टोबरला सातारा येथे होत असलेली महाराष्ट्र राज्य जलतरण संघटनेची निवडणूक विनाअडथळा पार पडणार आहे. या निवडणुकीवर स्थगिती आणावी, अशी मागणी करणारी याचिका भारतीय जलतरण फेडरेशनने मुंबई उच्च न्यायालयात केली होती, पण न्या. शालिनी फणसाळकर यांनी या प्रकरणी आताच सुनावणी घेणे आवश्यक नसल्याचे मत व्यक्त करत डिसेंबरमध्ये सुनावणी होईल, असे आदेश दिले. मे महिन्यात शहर न्यायालयाने महाराष्ट्र जलतरण संघटना अधिकृत असल्याचा निर्वाळा दिला होता. पण त्यानंतर ऑगस्ट महिन्यात फेडरेशनने उच्च न्यायालयात अपील केले, पण त्यावर संघटनेने कॅव्हेट दाखल केले होते. त्यानंतर ऑक्टोबर महिन्यात फेडरेशनने या संघटनेला निवडणूक घेण्याची परवानगी मिळू नये अशी मागणी केली. पण ५५ दिवसांचा अवधी मिळूनही अपील केले नसल्यामुळे आता घाई करण्याची आवश्यकता नाही, असा निष्कर्ष काढून न्यायालयाने फेडरेशनला डिसेंबरमध्येच यासंदर्भात सुनावणी होईल, असे सांगितले. त्यामुळे या दरम्यानच्या काळात संघटनेची निवडणूक होऊ शकेल.
महाराष्ट्र जलतरणाचा निवडणुकीचा मार्ग मोकळा
येत्या २८ ऑक्टोबरला सातारा येथे होत असलेली महाराष्ट्र राज्य जलतरण संघटनेची निवडणूक विनाअडथळा पार पडणार आहे...
Maharashtra Times 27 Oct 2018, 4:00 am