म.टा. विशेष प्रतिनिधी, मुंबई
मुलांच्या जवळ आलेल्या परिक्षा, शालेय स्पर्धांचे पुढे ढकलण्यात आलेले वेळापत्रक, वन मिलियन फुटबॉल उपक्रमामुळे बदलावा लागलेला शालेय स्पर्धांचा कार्यक्रम, त्यातून शाळेतील क्रीडाशिक्षक किंवा शारीरिक शिक्षकांवर आलेला ताण असा सगळा गोंधळ गेले काही दिवस महाराष्ट्रात निर्माण झाला आहे. विशेषतः ज्या भागात शाळांची संख्या अधिक आहे तेथे या शालेय स्पर्धांच्या आयोजनाचा ताण जास्तत जाणवू लागला आहे.
जवळपास ५०च्या घरात खेळांचे आयोजन शालेय स्तरावर होत असते. सर्वसाधारणपणे ऑगस्टमध्ये या खेळाच्या तालुका, मग जिल्हा, विभाग आणि राज्य अशा स्पर्धा क्रमाने होत असतात. पण यावेळेस पावसाचा जोर, त्यातच वन मिलियन फुटबॉलचे क्रीडा मंत्रालय आणि क्रीडा संचालनालयाने उचललेले शिवधनुष्य यामुळे या स्पर्धांचा कार्यक्रम पुढे ढकलावा लागला. आता मुलांच्या सहामाही परीक्षा जवळ आलेल्या असताना स्पर्धाही सुरू आहेत. त्यामुळे मुंबईतील शाळांमधील शारीरिक शिक्षणाच्या शिक्षकांवर प्रचंड ताण आला आहे. आधीच तासिका कमी झाल्यामुळे नवे विषय त्यांना हाताळावे लागतात त्यातच आता या कमी वेळेत स्पर्धांसाठी मुलांसोबत त्यांना धावपळ करावी लागते. मुंबईतील काही शिक्षकांनी या तक्रारी बोलून दाखविल्या.
शारीरिक शिक्षक दिवसभर स्पर्धेला उपस्थित असतात, नंतर त्यांच्याकडे सोपविलेले विषयही हाताळतात. मुलांचा सरावही करून घेतात. एकूणच बिघडलेल्या वेळापत्रकामुळे हा ताण त्यांना जाणवत आहे. त्यातच या शिक्षकांकडे अनेक खेळांवर लक्ष केंद्रित करावे लागते.
स्पर्धांसाठी मुलांची तयारी करून घेतानाही त्यांना बरीच ओढाताण करावी लागते. काही मुले ही परीक्षा जवळ आल्यामुळे स्पर्धेसाठी व सरावासाठीही येऊ शकत नाहीत. पालक या परिक्षांना अधिक महत्त्व देतात. गेल्या रविवारी मुंबईत चित्रकलेच्या एलिमेंट्री परिक्षा झाल्या. अनेक मुलांना या परिक्षांना प्राधान्य दिल्यामुळे ती मुले स्पर्धांना उपस्थित राहू शकली नाहीत आणि शाळांचे नुकसान झाले तर काही मुलांनी या परिक्षांना न जाता स्पर्धांना पसंती दिली, त्यामुळे त्यांची चित्रकलेची परीक्षा देण्याची संधी हुकली.
या स्पर्धांचे वेळापत्रक दरवर्षी ऑगस्टमध्येच सुरू होते. पण यावेळी १५ सप्टेंबरला वन मिलियन फुटबॉल ही संकल्पना राबविण्यात आल्यामुळे क्रीडा संचालनालयाला त्यात बरेचसे लक्ष घालावे लागले. त्यामुळे स्पर्धांकडे पुरेसे लक्ष देता आले नाही. त्यानंतर मग या स्पर्धांच्या आयोजनाकडे वळल्यानंतर कमी दिवसांत त्यांना स्पर्धा आयोजित कराव्या लागत आहेत. १५ सप्टेंबर पासून आता ३ ऑक्टोबरपर्यंत हे सगळे खेळ आटपायचे आहेत. कारण ३ ऑक्टोबरपासून बहुतेक शाळांत सहामाही परीक्षा सुरू होत आहेत. त्या संपल्यानंतर दिवाळीत राज्य स्पर्धांची तयारी करावी लागेल. त्याआधी, जिल्हा, विभाग अशा स्पर्धा उरकाव्या लागणार आहेत. एकूणच स्पर्धा उरकण्यावरच भर दिला जाईल, असे क्रीडा शिक्षकांचे मत आहे. काही क्रीडाशिक्षकांनी नाव न सांगण्याच्या अटीवर ‘मटा’ला या सगळ्या गोंधळाची माहिती दिली.
मुलांच्या जवळ आलेल्या परिक्षा, शालेय स्पर्धांचे पुढे ढकलण्यात आलेले वेळापत्रक, वन मिलियन फुटबॉल उपक्रमामुळे बदलावा लागलेला शालेय स्पर्धांचा कार्यक्रम, त्यातून शाळेतील क्रीडाशिक्षक किंवा शारीरिक शिक्षकांवर आलेला ताण असा सगळा गोंधळ गेले काही दिवस महाराष्ट्रात निर्माण झाला आहे. विशेषतः ज्या भागात शाळांची संख्या अधिक आहे तेथे या शालेय स्पर्धांच्या आयोजनाचा ताण जास्तत जाणवू लागला आहे.
जवळपास ५०च्या घरात खेळांचे आयोजन शालेय स्तरावर होत असते. सर्वसाधारणपणे ऑगस्टमध्ये या खेळाच्या तालुका, मग जिल्हा, विभाग आणि राज्य अशा स्पर्धा क्रमाने होत असतात. पण यावेळेस पावसाचा जोर, त्यातच वन मिलियन फुटबॉलचे क्रीडा मंत्रालय आणि क्रीडा संचालनालयाने उचललेले शिवधनुष्य यामुळे या स्पर्धांचा कार्यक्रम पुढे ढकलावा लागला. आता मुलांच्या सहामाही परीक्षा जवळ आलेल्या असताना स्पर्धाही सुरू आहेत. त्यामुळे मुंबईतील शाळांमधील शारीरिक शिक्षणाच्या शिक्षकांवर प्रचंड ताण आला आहे. आधीच तासिका कमी झाल्यामुळे नवे विषय त्यांना हाताळावे लागतात त्यातच आता या कमी वेळेत स्पर्धांसाठी मुलांसोबत त्यांना धावपळ करावी लागते. मुंबईतील काही शिक्षकांनी या तक्रारी बोलून दाखविल्या.
शारीरिक शिक्षक दिवसभर स्पर्धेला उपस्थित असतात, नंतर त्यांच्याकडे सोपविलेले विषयही हाताळतात. मुलांचा सरावही करून घेतात. एकूणच बिघडलेल्या वेळापत्रकामुळे हा ताण त्यांना जाणवत आहे. त्यातच या शिक्षकांकडे अनेक खेळांवर लक्ष केंद्रित करावे लागते.
स्पर्धांसाठी मुलांची तयारी करून घेतानाही त्यांना बरीच ओढाताण करावी लागते. काही मुले ही परीक्षा जवळ आल्यामुळे स्पर्धेसाठी व सरावासाठीही येऊ शकत नाहीत. पालक या परिक्षांना अधिक महत्त्व देतात. गेल्या रविवारी मुंबईत चित्रकलेच्या एलिमेंट्री परिक्षा झाल्या. अनेक मुलांना या परिक्षांना प्राधान्य दिल्यामुळे ती मुले स्पर्धांना उपस्थित राहू शकली नाहीत आणि शाळांचे नुकसान झाले तर काही मुलांनी या परिक्षांना न जाता स्पर्धांना पसंती दिली, त्यामुळे त्यांची चित्रकलेची परीक्षा देण्याची संधी हुकली.
या स्पर्धांचे वेळापत्रक दरवर्षी ऑगस्टमध्येच सुरू होते. पण यावेळी १५ सप्टेंबरला वन मिलियन फुटबॉल ही संकल्पना राबविण्यात आल्यामुळे क्रीडा संचालनालयाला त्यात बरेचसे लक्ष घालावे लागले. त्यामुळे स्पर्धांकडे पुरेसे लक्ष देता आले नाही. त्यानंतर मग या स्पर्धांच्या आयोजनाकडे वळल्यानंतर कमी दिवसांत त्यांना स्पर्धा आयोजित कराव्या लागत आहेत. १५ सप्टेंबर पासून आता ३ ऑक्टोबरपर्यंत हे सगळे खेळ आटपायचे आहेत. कारण ३ ऑक्टोबरपासून बहुतेक शाळांत सहामाही परीक्षा सुरू होत आहेत. त्या संपल्यानंतर दिवाळीत राज्य स्पर्धांची तयारी करावी लागेल. त्याआधी, जिल्हा, विभाग अशा स्पर्धा उरकाव्या लागणार आहेत. एकूणच स्पर्धा उरकण्यावरच भर दिला जाईल, असे क्रीडा शिक्षकांचे मत आहे. काही क्रीडाशिक्षकांनी नाव न सांगण्याच्या अटीवर ‘मटा’ला या सगळ्या गोंधळाची माहिती दिली.