पुणे : पंकज अडवाणीने आपल्या शिरपेचात आणखी एक मानाचा तुरा खोवला आहे. त्याने गुरुवारी वरिष्ठ गटाच्या राष्ट्रीय स्नूकर स्पर्धेचे विजेतेपद पटकावले. येथे झालेल्या वरिष्ठ गटाच्या बिलियर्डस स्पर्धेतही पंकजने बाजी मारली होती.पीवायसी हिंदू जिमखाना येथे झालेल्या अंतिम लढतीत पंकजने रेल्वेच्या पांडुरंगला ८३ (५०)-१, ५२-३४, ७६ (७५) – ०, ६५ (६४) – १८, ८२ (५०) – २५, ७९ (७८) – २८असे सहज पराभूत केले. त्याचे हे २९वे राष्ट्रीय विजेतेपद ठरले. याचबरोबर अडवाणीने अनेक विक्रमही प्रस्थापित केले. एकाच वेळी राष्ट्रीय बिलियर्डस आणि स्नूकर स्पर्धा;त्याचबरोबर ६-रेड, १५- रेड स्नूकर स्पर्धा जिंकणारा पहिलाच भारतीय आहे. या स्पर्धेत पंकज अव्वल, पांडुरंग दुसऱ्या, मलकीतसिंग तिसऱ्या स्थानी राहिला. संदीप गुलाटी, लक्ष्मण रावत, ए. अरविंद कुमार अनुक्रमे चौथ्या, पाचव्या आणि सहाव्या स्थानी राहिले. धरमेंद्र लिली सातव्या आणि अनूज उप्पल आठव्या स्थानी राहिला.
पंकज अडवाणीने पटकावले जेतेपद
पंकज अडवाणीने आपल्या शिरपेचात आणखी एक मानाचा तुरा खोवला आहे.
Maharashtra Times 3 Feb 2017, 1:51 am