वृत्तसंस्था, यानगॉन (म्यानमार)
भारताच्या पंकज अडवाणीने आशियाई बिलियर्ड्स अजिंक्यपद स्पर्धेचे जेतेपद राखले. शनिवारी पार पडलेल्या अंतिम लढतीत पंकजने आपला सरावातील जोडीदार बी. भास्करचा ६-१ असा पराभव केला. या जेतेपदासह भारताच्या या सर्वांत यशस्वी बिलियर्ड्स अन् स्नूकरपटूने २०१७-१८ मोसमातील बिलियर्ड्समधील भारतीय, आशियाई आणि जागतिक जेतेपदे राखण्याची कामगिरीदेखील फत्ते केली.
भारताचीच अमी कमानीने आशियाई महिला स्नूकरचे जेतेपद पटकावले. तिने अंतिम लढतीत थायलंडच्या सिरिपापोर्न नॉनथाखामजानचा ३-० असा पराभव केला. क्यू स्पोर्टसमधील (बिलियर्ड्स, स्नूकर) पंकजचे हे अकरावे आशियाई सुवर्णपदक ठरले आहे. एशियाडमध्ये त्याने २००६ व २०१०मध्ये लागोपाठ सुवर्णपदकाची कमाई केली आहे. याशिवाय एक ६-रेड स्नूकर जेतेपद आणि स्नूकर सांघिक जेतेपदही पंकजच्या भात्यात आहेत. पंकजच्या युरोपियन बिलियर्ड्स जेतेपदांची संख्या सात आहे. शनिवारी आशियाई बिलियर्ड्सच्या फायनलमध्ये पंकजने आपल्या सफाईदार खेळाने उपस्थितांची मने जिंकली. फायनलमधील त्याचा १०२, ८३, ९४ आणि ९९ हा ब्रेकअपच खूप काही सांगून जातो. यातील चौथ्या आणि पाचव्या फ्रेममध्ये पंकजने प्रतिस्पर्धी भास्करला संधीच दिली नाही.
...
येत्या दोन एप्रिलला पद्मभूषण पुरस्कार सोहळा आहे, त्याआधी राखलेला हा आशियाई मुकुट माझ्यासाठी खास आहे. ही अंतिम फेरीदेखील माझ्यासाठी विशेष होती; कारण माझा प्रतिस्पर्धी होता तो माझाच खास मित्र अन् सरावातील जोडीदार भास्कर. देशासाठी आम्ही सुवर्ण व रौप्यपदक जिंकले ही भावना सुखावून जाते. तसेच आम्ही दोघेही कर्नाटकचे आहोत ही बाबही महत्त्वाची आहे.
- पंकज अडवाणी
...
दृष्टिक्षेप...
- या जेतेपदासह पंकजने २०१७-१८ या मोसमात आशियाई, जागतिक आणि भारतीय जेतेपद राखण्यात यश मिळवले.
- हे पंकजचे क्यू स्पोर्टसमधील ११वे आशियाई जेतेपद आहे.
- भारताच्या अमी कमानीने महिलांमध्ये आशियाई स्नूकरचे जेतेपद पटकावले ते सिरिपपोर्नला हरवून.
भारताच्या पंकज अडवाणीने आशियाई बिलियर्ड्स अजिंक्यपद स्पर्धेचे जेतेपद राखले. शनिवारी पार पडलेल्या अंतिम लढतीत पंकजने आपला सरावातील जोडीदार बी. भास्करचा ६-१ असा पराभव केला. या जेतेपदासह भारताच्या या सर्वांत यशस्वी बिलियर्ड्स अन् स्नूकरपटूने २०१७-१८ मोसमातील बिलियर्ड्समधील भारतीय, आशियाई आणि जागतिक जेतेपदे राखण्याची कामगिरीदेखील फत्ते केली.
भारताचीच अमी कमानीने आशियाई महिला स्नूकरचे जेतेपद पटकावले. तिने अंतिम लढतीत थायलंडच्या सिरिपापोर्न नॉनथाखामजानचा ३-० असा पराभव केला. क्यू स्पोर्टसमधील (बिलियर्ड्स, स्नूकर) पंकजचे हे अकरावे आशियाई सुवर्णपदक ठरले आहे. एशियाडमध्ये त्याने २००६ व २०१०मध्ये लागोपाठ सुवर्णपदकाची कमाई केली आहे. याशिवाय एक ६-रेड स्नूकर जेतेपद आणि स्नूकर सांघिक जेतेपदही पंकजच्या भात्यात आहेत. पंकजच्या युरोपियन बिलियर्ड्स जेतेपदांची संख्या सात आहे. शनिवारी आशियाई बिलियर्ड्सच्या फायनलमध्ये पंकजने आपल्या सफाईदार खेळाने उपस्थितांची मने जिंकली. फायनलमधील त्याचा १०२, ८३, ९४ आणि ९९ हा ब्रेकअपच खूप काही सांगून जातो. यातील चौथ्या आणि पाचव्या फ्रेममध्ये पंकजने प्रतिस्पर्धी भास्करला संधीच दिली नाही.
...
येत्या दोन एप्रिलला पद्मभूषण पुरस्कार सोहळा आहे, त्याआधी राखलेला हा आशियाई मुकुट माझ्यासाठी खास आहे. ही अंतिम फेरीदेखील माझ्यासाठी विशेष होती; कारण माझा प्रतिस्पर्धी होता तो माझाच खास मित्र अन् सरावातील जोडीदार भास्कर. देशासाठी आम्ही सुवर्ण व रौप्यपदक जिंकले ही भावना सुखावून जाते. तसेच आम्ही दोघेही कर्नाटकचे आहोत ही बाबही महत्त्वाची आहे.
- पंकज अडवाणी
...
दृष्टिक्षेप...
- या जेतेपदासह पंकजने २०१७-१८ या मोसमात आशियाई, जागतिक आणि भारतीय जेतेपद राखण्यात यश मिळवले.
- हे पंकजचे क्यू स्पोर्टसमधील ११वे आशियाई जेतेपद आहे.
- भारताच्या अमी कमानीने महिलांमध्ये आशियाई स्नूकरचे जेतेपद पटकावले ते सिरिपपोर्नला हरवून.