म. टा. प्रतिनिधी, पुणे
ओएनजीसी आणि बीपीसीएल या संघांत 'पीएसपीबी' इंटर युनिट बिलियर्ड्स स्पर्धेची अंतिम लढत रंगणार आहे. पीवायसीमध्ये मंगळवारपासून सुरू झालेल्या या बिलियर्ड्स अँड स्नूकर स्पर्धेचे उद्घाटन 'बीपीआरएल'चे व्यवस्थापकीय संचालक अजयकुमार यांच्या हस्ते करण्यात आले. या वेळी बीपीसीएलचे उपमहाव्यवस्थापक देवेंद्र जोशी, पीवायसीचे अध्यक्ष विजय भावे, शशांक हळबे उपस्थित होते.
उपांत्य फेरीचे निकाल ः ओएनजीसी वि.वि. जीएआयएल २-० (पंकज अडवानी वि.वि. इशप्रीत चड्डा २०८ (१२४)-६६; अलोककुमार वि.वि. आशुतोष पाधी २००-४४); बीपीसीएल वि.वि. इंडियन ऑइल २-० (एस. श्रीकृष्णन वि.वि. ब्रिजेश दमानी २००-५३; मनन चंद्रा वि.वि. ध्वज हरिया २०२-७३).
उपांत्यपूर्व फेरी ः बीपीसीएल वि.वि. एमआरपीएल २-० (मनन चंद्रा वि.वि. अतीश श्रीवास्तव २०१-२५; एस. श्रीकृष्णन वि.वि. जे. पी. शेट्टी २००-३८); जीएआयएल वि.वि. ऑइल २-० (आशुतोष पाधी वि.वि. ए. कमलपुरी २००-५०; इशप्रीत वि.वि. तुलन बरूआ २००-८८); इंडियन ऑइल वि.वि. एनआरएल २-० (ब्रिजेश दमानी वि.वि. पंकज रॉय २०१-५१; ध्वज हरिया वि.वि. सईद ताझुद्दीन अली अहमद २००-१०).
कबड्डीत बीपीसीएलचा विजय
'पीएसपीबी'च्या इंटर युनिट कबड्डी स्पर्धेत बीपीसीएल आणि एमआरपीएल या संघांनी आपापल्या प्रतिस्पर्ध्यावर विजय नोंदविला. पीवायसीतच ही स्पर्धा सुरू आहे. काशिलिंग आडके, महेंद्र राऊत यांच्या सुरेख कामगिरीच्या जोरावर बीपीसीएल संघाने सीपीसीएल संघावर २३-१५ अशी मात केली, तर एमआरपीएल संघाने इआयल संघावर ३०-१२ अशी मात केली.