पाताडे, लोंढे यांचा गौरव
मुंबई : क्रीडा संघटक आणि राष्ट्रीय पॉवरलिफ्टर सतीश पाताडे व दैनिक सामनाचे क्रीडा प्रतिनिधी जयेंद्र लोंढे हे यंदाच्या अष्टगंध पुरस्काराचे मानकरी ठरले आहेत. कला ,क्रीडा आणि सामाजिक क्षेत्रात उल्लेखनीय कार्य करणाऱ्या मान्यवरांसोबत पाताडे आणि लोंढे यांचा सन्मान संत साहित्याचे अभ्यासक ,साहित्यिक वामन देशपांडे यांच्या हस्ते केला जाणार आहे.
मुंबई मराठी ग्रंथसंग्रहालय, नायगाव, दादर येथे शनिवारी २१ जुलैला सायंकाळी ६.१५ वाजता कवी जनार्दन पाटील यांच्या अध्यक्षतेखाली अष्टगंध मासिकाचा २९ वा वर्धापनदिन साजरा होणार आहे. सन्मानचिन्ह ,सन्मानपत्र आणि शाल, श्रीफळ असे या पुरस्काराचे स्वरूप आहे.