म. टा. प्रतिनिधी, औरंगाबाद
आंतरशालेय नेटबॉल स्पर्धेत औरंगाबाद पोलिस पब्लिक स्कूल संघाने १४ वर्षांखालील मुला-मुलींच्या संघांनी उपविजेतेपद पटाकावले. तसेच १७ वर्षांखालील गटात शाळेचा संघ विजेता ठरला.
१७ वर्षांखालील मुलांच्या गटात औरंगाबाद पोलिस पब्लिक स्कूल संघाने तेरणा हायस्कूल संघाचा १५-११ असा पराभव करुन विजेतेपद पटाकावले. विजेत्या संघात चैतन्य दुदमळ, रोहित वाघ, अर्जुन चव्हाण, सौरभ चव्हाण, मंगेश ठोकळ, मोहंमद बीन हैदरा, सुरज नागरे, मनीष चव्हाण, जयंत सिद्धिकी, वेंदात महालकर, सुरज इंगळे, इंद्रजित यांचा समावेश आहे. १४ वर्षांखालील मुला-मुलींच्या गटात शाळेच्या संघांना उपविजेतेपदावर समाधान मानावे लागले. या संघांना क्रीडा विभाग प्रमुख डॉ. रोहिदास गाडेकर, समाधान बेळेवार यांचे मार्गदर्शन लाभले आहे. या कामगिरीबद्दल पोलिस आयुक्त चिरंजीव प्रसाद, प्राचार्य रणजित दास, मुख्याध्यापिका गीता दामोधरन, हस्मत कौसार, किरण चव्हाण, रुपा शर्मा, श्रीराम गायकवाड यांनी खेळाडूंचे अभिनंदन केले.