म. टा. प्रतिनिधी, पुणे
अमरावतीचे नामवंत क्रीडा व शारीरिक शिक्षण तज्ज्ञ प्रभाकरपंत वैद्य यांना क्रीडा महर्षी बा. प्रे. झंवर स्मृती क्रीडा शिक्षक जीवनगौरव पुरस्कार देऊन गौरविण्यात आले.
प्रकृती अस्वास्थ्यतेमुळे वैद्य हे पुण्यात येऊ शकले नाहीत. त्यामुळे त्यांच्या येथील हनुमान व्यायाम प्रसारक मंडळाच्या सभागृहात त्यांच्या सत्काराचा कार्यक्रम आयोजित करण्यात आला होता. पुणेरी पगडी, मानपत्र, स्मृतिचिन्ह, शाल, श्रीफळ आणि ११ हजार १११ रुपयांचा धनादेश असे या पुरस्काराचे स्वरूप होते. माजी आमदार प्रा. बी. टी. देशमुख व अमरावती विभागाचे विशेष पोलिस महासंचालक सी. एच. वाकडे यांच्या हस्ते वैद्य यांना हा पुरस्कार प्रदान करण्यात आला. सत्काराला उत्तर देताना वैद्य यांनी भाऊसाहेब झंवरांचा गौरवपूर्ण उल्लेख केला. ते म्हणाले, ‘परीक्षक या नात्याने ते अनेक वर्षे अमरावतीच्या व्यायामशाळेत येत होते. प्रत्येक वेळी नवनवीन कल्पना व सूचना देऊन ते व्यायामशाळेच्या वाढीसाठी मार्गदर्शन करीत असत. त्यांच्या मार्गदर्शनामुळे आम्ही यात प्रगती करू शकलो आणि त्यामुळे अनेक मुलांना याचा फायदा झाला. म्हणूनच त्यांच्या स्मृतिप्रित्यर्थ दिला जाणारा हा पुरस्कार स्विकारताना मला विशेष आनंद होत आहे.’
त्याचबरोबर अमरावतीतील अंध-अपंग-दिव्यांग खेळाडूंना मार्गदर्शन करणारे अमरावतीतील क्रीडा संघटक गोविंद कासट यांना ‘क्रीडा महारथी’ पुरस्काराने गौरविण्यात आले. स्मृतीचिन्ह, प्रशस्तीपत्रक, शाल, श्रीफळ आणि ५००१ रुपयांचा धनादेश असे या पुरस्काराचे स्वरूप होते. आदर्श सेवाभावी संस्था म्हणून ह. व्या. प्र. मंडळ संचलित विदर्भ आयुर्वेद महाविद्याल-रुग्णालय या संस्थेला १० हजार रुपयांची देणगी देण्यात आली. नेत्रतज्ञ डॉ. मधुसूदन झंवर यांनी प्रास्ताविक केले.
अमरावतीचे नामवंत क्रीडा व शारीरिक शिक्षण तज्ज्ञ प्रभाकरपंत वैद्य यांना क्रीडा महर्षी बा. प्रे. झंवर स्मृती क्रीडा शिक्षक जीवनगौरव पुरस्कार देऊन गौरविण्यात आले.
प्रकृती अस्वास्थ्यतेमुळे वैद्य हे पुण्यात येऊ शकले नाहीत. त्यामुळे त्यांच्या येथील हनुमान व्यायाम प्रसारक मंडळाच्या सभागृहात त्यांच्या सत्काराचा कार्यक्रम आयोजित करण्यात आला होता. पुणेरी पगडी, मानपत्र, स्मृतिचिन्ह, शाल, श्रीफळ आणि ११ हजार १११ रुपयांचा धनादेश असे या पुरस्काराचे स्वरूप होते. माजी आमदार प्रा. बी. टी. देशमुख व अमरावती विभागाचे विशेष पोलिस महासंचालक सी. एच. वाकडे यांच्या हस्ते वैद्य यांना हा पुरस्कार प्रदान करण्यात आला. सत्काराला उत्तर देताना वैद्य यांनी भाऊसाहेब झंवरांचा गौरवपूर्ण उल्लेख केला. ते म्हणाले, ‘परीक्षक या नात्याने ते अनेक वर्षे अमरावतीच्या व्यायामशाळेत येत होते. प्रत्येक वेळी नवनवीन कल्पना व सूचना देऊन ते व्यायामशाळेच्या वाढीसाठी मार्गदर्शन करीत असत. त्यांच्या मार्गदर्शनामुळे आम्ही यात प्रगती करू शकलो आणि त्यामुळे अनेक मुलांना याचा फायदा झाला. म्हणूनच त्यांच्या स्मृतिप्रित्यर्थ दिला जाणारा हा पुरस्कार स्विकारताना मला विशेष आनंद होत आहे.’
त्याचबरोबर अमरावतीतील अंध-अपंग-दिव्यांग खेळाडूंना मार्गदर्शन करणारे अमरावतीतील क्रीडा संघटक गोविंद कासट यांना ‘क्रीडा महारथी’ पुरस्काराने गौरविण्यात आले. स्मृतीचिन्ह, प्रशस्तीपत्रक, शाल, श्रीफळ आणि ५००१ रुपयांचा धनादेश असे या पुरस्काराचे स्वरूप होते. आदर्श सेवाभावी संस्था म्हणून ह. व्या. प्र. मंडळ संचलित विदर्भ आयुर्वेद महाविद्याल-रुग्णालय या संस्थेला १० हजार रुपयांची देणगी देण्यात आली. नेत्रतज्ञ डॉ. मधुसूदन झंवर यांनी प्रास्ताविक केले.