पुणे : पुणेरी पलटण संघाला निर्णायक क्षणी आपला खेळ उंचावता आला नाही. त्यामुळे प्रो-कबड्डी लीगमध्ये पुणेरी पलटण संघाला घरच्या मैदानावर आणखी एक पराभव पत्करावा लागला. मंगळवारी झालेल्या लढतीत हरियाणा स्टीलर्स संघाने पुणेरी पलटण संघावर ३१-२७ अशी मात केली.
म्हाळुंगे-बालेवाडी येथील शिवछत्रपती क्रीडानगरीत ही स्पर्धा सुरू आहे. अखेरच्या दोन मिनिटांचा खेळ शिल्लक असताना पुणेरी पलटण संघ २६-२८ असा दोन गुणांनी पिछाडीवर होता. मात्र, विजय हातच हुकणार नाही, याची काळजी हरियाणा संघाने घेतली. हरियाणाच्या प्रशांतकुमार रायने (१२) सुपर टेन कामगिरी नोंदवली. हरियाणाचा हा गटातील शेवटचा सामना होता. हरियाणाने २२ सामन्यांत १३ विजय, ५ पराभव, ४ बरोबरीसह ७९ गुण मिळवले. आता अव्वल स्थानासाठी गुजरात फॉर्च्युनजायंट्स (८२ गुण) आणि पुणेरी पलटण (७४) यांच्यात चुरस आहे. अव्वल स्थानासाठी पुणेरी पलटणला आता उर्वरित दोन्ही सामने जिंकावे लागणार आहेत, तर गुजरातने शेवटचा सामना गमवायला हवा. दरम्यान, दुसऱ्या लढतीत बेंगळुरू बुल्स संघाने यू. पी. योद्धा संघाचा ६४-२४ असा धुव्वा उडविला. बेंगळुरू बुल्सने तब्बल पाच वेळा यू. पी. योद्धावर लोण चढविले. रोहितकुमारने ३१ चढायांमध्ये ३५ गुण मिळवले.
म्हाळुंगे-बालेवाडी येथील शिवछत्रपती क्रीडानगरीत ही स्पर्धा सुरू आहे. अखेरच्या दोन मिनिटांचा खेळ शिल्लक असताना पुणेरी पलटण संघ २६-२८ असा दोन गुणांनी पिछाडीवर होता. मात्र, विजय हातच हुकणार नाही, याची काळजी हरियाणा संघाने घेतली. हरियाणाच्या प्रशांतकुमार रायने (१२) सुपर टेन कामगिरी नोंदवली. हरियाणाचा हा गटातील शेवटचा सामना होता. हरियाणाने २२ सामन्यांत १३ विजय, ५ पराभव, ४ बरोबरीसह ७९ गुण मिळवले. आता अव्वल स्थानासाठी गुजरात फॉर्च्युनजायंट्स (८२ गुण) आणि पुणेरी पलटण (७४) यांच्यात चुरस आहे. अव्वल स्थानासाठी पुणेरी पलटणला आता उर्वरित दोन्ही सामने जिंकावे लागणार आहेत, तर गुजरातने शेवटचा सामना गमवायला हवा. दरम्यान, दुसऱ्या लढतीत बेंगळुरू बुल्स संघाने यू. पी. योद्धा संघाचा ६४-२४ असा धुव्वा उडविला. बेंगळुरू बुल्सने तब्बल पाच वेळा यू. पी. योद्धावर लोण चढविले. रोहितकुमारने ३१ चढायांमध्ये ३५ गुण मिळवले.