वृत्तसंस्था, बीजिंग
स्पेनच्या रफाएल नदालने चायना ओपन टेनिस स्पर्धेच्या उपांत्यपूर्व फेरीत प्रवेश केला आहे. १६ ग्रँडस्लॅम टेनिस स्पर्धा जिंकणाऱ्या नदालने गुरुवारी पार पडलेल्या झुंजीत रशियाच्या करेन खाचानोव्हवर ६-३, ६-३ अशी सहज मात केली. पुढील फेरीत नदालचा सामना होईल तो अमेरिकेच्या फॉर्मात असलेल्या जॉन इज्नरशी.
स्पर्धेत सहावे सीडिंग लाभलेला जॉन इज्नर हा बिनतोड सर्व्हिस करण्यात पटाईत आहे. त्याच्याविरुद्ध लढताना आपल्यालादेखील खणखणीत सर्व्हिसवर भर द्यावा लागणार आहे, याचे भान नदालला आहे. त्यामुळेच तो म्हणाला की, ‘उद्याचा दिवस माझ्यासाठी आव्हानात्मक असेल; कारण इज्नर सध्या जबरदस्त खेळतो आहे. मी गुरुवारीही त्याची लढत पाहिली. तो प्रचंड आक्रमक खेळत आहे. यामुळे इज्नरला खूप यश मिळत असून त्याच्या खेळातील विनर्समध्येही झपाट्याने वाढ होते आहे. इज्नरची सर्व्हिसही भन्नाट असते. ती मोडणे म्हणजे महाकठीण काम. मी बेसलाईनवरून उत्तम खेळतो. तर इज्नरही बेसलाइनवरून माझ्या तोडीचा खेळ करताना दिसतो’. असे उदगार काढत नदालने इज्नरविरुद्ध आधीच सावध पवित्रा घेतला आहे.
नदालला या स्पर्धेत संघर्ष करावा लागतो आहे. पहिल्या फेरीत फ्रान्सच्या लुकास पॉलीविरुद्ध त्याने दोन मॅच पॉईंट्स वाचवून विजय मिळवला होता.
महिलांमध्ये गुरुवारी गाशा गुंडाळावा लागला तो चौथ्या सीडेड कॅरोलिना प्लिकोव्हाला. तिला बिनसीडेड सोराना क्रिस्टीने तिसऱ्या फेरीत ६-१, ७-५ असे नमवले. क्रिस्टीचा आता सामना होईल तो येलेना ओस्तापेन्कोशी. येलेना आगेकूच मिळाली ती तिची प्रतिस्पर्धी शुई पेंगने गुडघ्याच्या दुखापतीमुळे सामन्यातून माघार घेतल्याने. येलेनाला सामन्यात ३-० अशी आघाडीवर तेव्हा शुईने माघार घेतली.
स्पेनच्या रफाएल नदालने चायना ओपन टेनिस स्पर्धेच्या उपांत्यपूर्व फेरीत प्रवेश केला आहे. १६ ग्रँडस्लॅम टेनिस स्पर्धा जिंकणाऱ्या नदालने गुरुवारी पार पडलेल्या झुंजीत रशियाच्या करेन खाचानोव्हवर ६-३, ६-३ अशी सहज मात केली. पुढील फेरीत नदालचा सामना होईल तो अमेरिकेच्या फॉर्मात असलेल्या जॉन इज्नरशी.
स्पर्धेत सहावे सीडिंग लाभलेला जॉन इज्नर हा बिनतोड सर्व्हिस करण्यात पटाईत आहे. त्याच्याविरुद्ध लढताना आपल्यालादेखील खणखणीत सर्व्हिसवर भर द्यावा लागणार आहे, याचे भान नदालला आहे. त्यामुळेच तो म्हणाला की, ‘उद्याचा दिवस माझ्यासाठी आव्हानात्मक असेल; कारण इज्नर सध्या जबरदस्त खेळतो आहे. मी गुरुवारीही त्याची लढत पाहिली. तो प्रचंड आक्रमक खेळत आहे. यामुळे इज्नरला खूप यश मिळत असून त्याच्या खेळातील विनर्समध्येही झपाट्याने वाढ होते आहे. इज्नरची सर्व्हिसही भन्नाट असते. ती मोडणे म्हणजे महाकठीण काम. मी बेसलाईनवरून उत्तम खेळतो. तर इज्नरही बेसलाइनवरून माझ्या तोडीचा खेळ करताना दिसतो’. असे उदगार काढत नदालने इज्नरविरुद्ध आधीच सावध पवित्रा घेतला आहे.
नदालला या स्पर्धेत संघर्ष करावा लागतो आहे. पहिल्या फेरीत फ्रान्सच्या लुकास पॉलीविरुद्ध त्याने दोन मॅच पॉईंट्स वाचवून विजय मिळवला होता.
महिलांमध्ये गुरुवारी गाशा गुंडाळावा लागला तो चौथ्या सीडेड कॅरोलिना प्लिकोव्हाला. तिला बिनसीडेड सोराना क्रिस्टीने तिसऱ्या फेरीत ६-१, ७-५ असे नमवले. क्रिस्टीचा आता सामना होईल तो येलेना ओस्तापेन्कोशी. येलेना आगेकूच मिळाली ती तिची प्रतिस्पर्धी शुई पेंगने गुडघ्याच्या दुखापतीमुळे सामन्यातून माघार घेतल्याने. येलेनाला सामन्यात ३-० अशी आघाडीवर तेव्हा शुईने माघार घेतली.