म. टा. प्रतिनिधी, औरंगाबाद
औरंगाबाद जिल्हा टेबल टेनिस संघटनेतर्फे आयोजित तिसऱ्या जिल्हास्तरीय अजिंक्यपद टेबल टेनिस स्पर्धेत शेखर काळे व ऋषिकेश जगताप यांनी आपापल्या गटात दुहेरी मुकुट संपादन केला. कुशल पाटणी, ओमकार रसाळ, कणक मालू यांनी विजेतेपद पटाकावले.
वसंतराव नाईक महाविद्यालयातील टेबल टेनिस हॉलमध्ये ही स्पर्धा घेण्यात आली. ऋषिकेश जगतापने मिडजेट व कॅडेट मुलांच्या गटात जेतेपद पटाकावत दुहेरी मुकुट संपादन केला. या गटात हिमांशू चाटे व सर्वेश अभ्यंकर यांनी उपविजेतेपद मिळवले. कुशल पाटणीने दिव्याल शर्माला पराभूत करुन अजिंक्यपद मिळवले.
ज्युनिअर मुलांच्या गटात ओमकार रसाळ विजेता ठरला. त्याने अंतिम लढतीत कुशल पाटणीला ३-१ असे नमवले. युथ मुलांच्या गटात कणक मालूने ओमकार रसाळला ३-० असे पराभूत करीत विजेतेपद पटाकावले. पुरुष एकेरीत शेखर काळेने रजत तलवारला ४-१ असे नमवीत विजेतेपद मिळवले. पुरुष दुहेरी गटात शेखर काळेने सुदीप अभ्यंकरच्या साथीने अजिंक्यपद संपादन केले. शेखर व सुदीपने अंतिम सामन्यात रजत तलवार व कुशल पाटणीला ३-२ असे पराभूत केले.
विजेत्यांना आनंद देशमुख, जयसिंग चव्हाण यांच्या हस्ते पारितोषिकांचे वितरण करण्यात आले. या प्रसंगी राज जैस्वाल, हर्ष जैस्वाल, श्रीधर चपळगावकर, रवींद्र जाधव यांची उपस्थिती होती.
अंतिम निकाल : मिडजेट मुले : ऋषिकेश जगताप वि. वि. हिमांशू चाटे (३-०). कॅडेट मुले : ऋषिकेश जगताप वि. वि. सर्वेश अभ्यंकर (३-२).
सबज्युनिअर मुले : कुशल पाटणी वि. वि. दिव्याल शर्मा (३-०). ज्युनिअर मुले : ओमकार रसाळ वि. वि. कुशल पाटणी (३-१). युथ मुले : कणक मालू वि. वि. ओमकार रसाळ (३-०).
पुरुष गट एकेरी : शेखर काळे वि. वि. रजत तलवार (४-१). दुहेरी गट : शेखर काळे व सुदीप अभ्यंकर वि. वि. रजत तलवार व कुशल पाटणी (३-२).