साक्षी करणार सुशीलशी बरोबरी

नवी दिल्ली : साक्षी मलिकने रिओ ऑलिम्पिकमध्ये ब्राँझपदक जिंकले आणि आता ती भारतातील अव्वल कुस्तीगीरही आहे पण हे यश तिला पुरेसे वाटत नाही. ऑलिम्पिकमध्ये दोन पदके जिंकणाऱ्या सुशीलकुमारच्या कामगिरीशी तिला बरोबरी करायची आहे. २०२०च्या टोकियो ऑलिम्पिकमध्ये तिला भाग घेऊन पुन्हा एकदा पदक जिंकण्याची इच्छा आहे.

सुशीलकुमारच्या त्या कामगिरीशी बरोबरी करण्यासाठी आपण सर्वतोपरी मेहनत घेत आहोत, असे तिने सांगितले. सध्या तिचे उद्दीष्ट हे जागतिक कुस्ती अजिंक्यपद स्पर्धेत खेळून तेथे चांगली कामगिरी करून दाखविण्याचे आहे.