म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाच्या क्रीडा विभागातर्फे आयोजित आंतर महाविद्यालयीन मध्य विभाग अॅथलेटिक्स स्पर्धेत शिऊरच्या सपना ढमाले, कन्नडच्या अमर शिंदे व किरण कांबळे यांनी शंभर मीटर व दोनशे मीटर धावण्याची स्पर्धा जिंकत स्पर्धा गाजवली.
या स्पर्धेत नंदिनी पवार, पूनम कळेल, ऊर्मिला अंभोरे, कोमल राठोड, स्नेहल हरदे, श्रद्धा भिकने, पूजा मंडलिक, सनी पवार, प्रमोद काळे, शुभम झिंगुर्डे, गणेश हरगुडे यांनी आपापल्या प्रकारात सुवर्णपदक जिंकत ठसा उमटविला. सपना ढमालेने शंभर व दोनशे मीटर धावण्याच्या स्पर्धेत सुवर्णपदक जिंकत स्पर्धेत निविर्वाद वर्चस्व गाजवले.
विद्यापीठाच्या अॅथलेटिक्स संकुलात या स्पर्धेला प्रारंभ झाला. अधिसभा सदस्य पंकज भारसाखळे यांच्या हस्ते स्पर्धेचे उद्घाटन करण्यात आले. या प्रसंगी व्यवस्थापन परिषद सदस्य डॉ. फुलचंद सलामपुरे, क्रीडा संचालक डॉ. दयानंद कांबळे, डॉ. अप्पासाहेब हुंबे, डॉ. रंजन बडवणे, डॉ. युसूफ पठाण, डॉ. रमेश पार्थे, सचिन पगारे, छत्रपती पांगारकर, के. डी. दापके, सुहास यादव, संतोष वनगुरे, वसंत झेंडे, युवराज आंधळे, योगेश निकम, सुशील लांडे, पूनव राठोड, अनिता पारगावकर, सीमा मुंडे, सुरेंद्र मोदी, नितीन निरावणे, अभिजित दिख्खत, माधव इंगळे, मधुकर वाकळे, हाफीज शेख, मनोज शेटे, रामेश्वर विधाते, रंगनाथ आहिरे, मोहन वहिलवार, विक्रमसिंह चौहान आदी उपस्थित होते.
अंतिम निकाल : १०० मीटर धावणे : १. अमर शिंदे (कन्नड), २. तुषार हंबरडे (आष्टी), ३. किरण कांबळे (कन्नड). ८०० मीटर धावणे : १. गणेश हरगुडे (वाळूज), २. महेश दांडगे (जाफराबाद), ३. रमेश वळवी (औरंगाबाद). २०० मीटर धावणे : १. किरण कांबळे (कन्नड), २. प्रवीण वैरळ (गंगापूर), ३. करण राठोड (जालना). ११० मीटर हर्डल्स : १. शुभम झिंगुर्डे (पाचोड), २. विष्णू केंद्रे (अंबाजोगाई), ३. ज्ञानेश्वर नेरे (लोहारा). ४०० मीटर धावणे : १. सनी पवार (पाथरी), २. महेश दांडगे (जाफराबाद), ३. करण राठोड (जालना).
थाळीफेक : १. प्रमोद काळे (खुलताबाद), २. आशिष शिंदे (वैजापूर), ३. उत्तरेश्वर कराड (शिरसाळा).
महिला गट : १०० मीटर धावणे : १. सपना ढमाले (शिऊर), २. आकांक्षा खांडवे (आष्टी), ३. दैवशाला घुले (वाशी). २०० मीटर धावणे : १. सपना ढमाले (शिऊर), २. रसिका राऊत (आष्टी), ३. सुश्लेषा लोहारकर (औरंगाबाद). ४०० मीटर धावणे : १. उर्मिला अंभोरे (जाफराबाद), २. स्वाती सानप (आष्टी), ३. ज्योती धपाटे (अंबाजोगाई). ८०० मीटर धावणे : १. पूजा मंडलिक (गंगापूर), २. पूनम सावंत (औरंगाबाद), ३. ज्योती दापटे (अंबाजोगाई).
तिहेरी उडी : १. पूनम काळेल (औरंगाबाद). गोळाफेक : १. श्रद्धा भिकने (औरंगाबाद), २. कोमल राठोड(औरंगाबाद), ३. आरती जगताप (लोहारा). उंच उडी : १. स्नेहल हरदे (औरंगाबाद). थाळीफेक : १. कोमल राठोड (औरंगाबाद), २. कल्पना गव्हाणे (अंबाजोगाई), ३. सोनाली राठोड (मंठा). लांब उडी : १. पूनम कळेल (औरंगाबाद), २. आकांक्षा खांडवे (आष्टी), ३. प्रिया चुनघडे (अंबड). ५००० मीटर धावणे : १. नंदिनी पवार (शिऊर), २. वृंदावनी आव्हाड (आष्टी), ३. संध्या विश्वकर्मा (औरंगाबाद).
चार बाय चारशे मीटर रिले : १. देवगिरी कॉलेज, औरंगाबाद, २. सिद्धार्थ कॉलेज, जाफराबाद, ३. एसआरटी कॉलेज, अंबाजोगाई.