नवी दिल्लीः उत्तेजकांच्या नियमांचा सातत्याने भारतीय अॅथलिट्सकडून भंग होत असल्याने त्यांच्यासाठी प्रत्येक दिवशी २४ तास सुरू असणारी हेल्पलाइन सुरू करावी, अशी सूचना भारताचे माजी ऑल इंग्लंड विजेते बॅडमिंटनपटू पुलेला गोपीचंद यांनी केली आहे.
आजारपण, दुखापतींच्यावेळी खेळाडू बऱ्याचदा औषधे घेताना योग्य ती खबरदारी घेत नाहीत. यामुळे बऱ्याचदा हे खेळाडू उत्तेजकांच्या कचाट्यात अडकतात. अलीकडेच विजयकुमार मल्होत्रा यांच्या अध्यक्षतेखाली ऑल इंडिया कौन्सिल ऑफ स्पोर्टसची सहावी बैठक पार पडली. त्यावेळी गोपीने ही कल्पना सूचवली.
‘बऱ्याचदा कोरेक्स या औषधाचे सेवन करून खेळाडू उत्तेजक चाचणीत दोषी आढळतात. अलीकडे आपल्या एका महिला अॅथलिटने पोट दुखण्याच्या तक्रारीवर औषध घेतले; पण त्या औषधांमध्ये बंदी असलेल्या उत्तेजकांचा समावेश होता. सहाजिकच ती उत्तेजक चाचणीत दोषी आढळली. अशा अज्ञानावर तोडगा म्हणून आपण खेळाडूंसाठी २४ तास सुरू राहणारी हेल्पलाइन सुरू करायला हवी. जेणे करून औषधांचे सेवन करताना किंवा तब्येतीशी निगडीत कोणत्या तक्रारींचे निरसन करण्यासाठी खेळाडू या क्रमांकावर केव्हाही फोन करू शकतील’, असे गोपी यांनी सूचवल्याचे एआयसीएसच्या पत्रकात नमूद करण्यात आले आहे.
आजारपण, दुखापतींच्यावेळी खेळाडू बऱ्याचदा औषधे घेताना योग्य ती खबरदारी घेत नाहीत. यामुळे बऱ्याचदा हे खेळाडू उत्तेजकांच्या कचाट्यात अडकतात. अलीकडेच विजयकुमार मल्होत्रा यांच्या अध्यक्षतेखाली ऑल इंडिया कौन्सिल ऑफ स्पोर्टसची सहावी बैठक पार पडली. त्यावेळी गोपीने ही कल्पना सूचवली.
‘बऱ्याचदा कोरेक्स या औषधाचे सेवन करून खेळाडू उत्तेजक चाचणीत दोषी आढळतात. अलीकडे आपल्या एका महिला अॅथलिटने पोट दुखण्याच्या तक्रारीवर औषध घेतले; पण त्या औषधांमध्ये बंदी असलेल्या उत्तेजकांचा समावेश होता. सहाजिकच ती उत्तेजक चाचणीत दोषी आढळली. अशा अज्ञानावर तोडगा म्हणून आपण खेळाडूंसाठी २४ तास सुरू राहणारी हेल्पलाइन सुरू करायला हवी. जेणे करून औषधांचे सेवन करताना किंवा तब्येतीशी निगडीत कोणत्या तक्रारींचे निरसन करण्यासाठी खेळाडू या क्रमांकावर केव्हाही फोन करू शकतील’, असे गोपी यांनी सूचवल्याचे एआयसीएसच्या पत्रकात नमूद करण्यात आले आहे.