म. टा. प्रतिनिधी, औरंगाबाद जय हिंद स्पोर्टस अँड कल्चरल अकदमी व शिवछत्रपती महाविद्यालय यांच्या संयुक्त विद्यमाने आयोजित दहावी व बारावीतील गुणवंत ४२ खेळाडूंचा गौरव करण्यात आला. या गौरव सोहळ्यात महाराष्ट्र राज्य तलवारबाजी संघटनेच्या सरचिटणीपदी दुसऱ्यांदा निवड झाल्याबद्दल डॉ. उदय डोंगरे यांना सन्मानीत करण्यात आले. हा गुण गौरव सोहळा शिवछत्रपती महाविद्यालयात झाला. खेळाडूंना मान्यवरांच्या हस्ते सन्मान पत्र व पुष्पगुच्छ देण्यात आले. यावेळी डॉ. डोंगरे यांनी मार्गदर्शन केले. या प्रसंगी विजय सोनवणे, मिलिंद काटमोरे, मच्छिंद्र राठोड, स्वप्निल शेळके, महेश तवार, सुरज लिपणे, आकाश अरमाळ, हरिशंकर राजपूत, सुदर्शन कदम, डॉ. दिनेश वंजारे, ज्योती देशमुख यांची प्रमुख उपस्थिती होती. प्रा. राकेश खैरनार यांनी सूत्रसंचालन केले. प्रा. संजय भूमकर यांनी प्रास्ताविक केले. कार्यक्रमाच्या यशस्वीतेसाठी अकादमीचे अध्यक्ष सुशील अंभोरे, रवी निवलेकर, प्रीतेश सराटे, अनिल देवकर, निखिल बाविस्कर, आशिष भालेराव, योगेश कदम, सुरज कोरडे, आदित्य भालेराव आदींनी पुढाकार घेतला.
शिवछत्रपती कॉलेजतर्फे खेळाडूंचा सत्कार
म टा...
महाराष्ट्र टाइम्स.कॉम 27 Jun 2019, 4:00 am