वृत्तसंस्था, ताश्कंद
भारताच्या शिव थापा (६० किलो), सुमीत संगवान (९१ किलो), मनीष पनवर (८१ किलो) आणि कविंदरसिंग बिश्त (४९ किलो) यांनी आशियाई बॉक्सिंग अजिंक्यपद स्पर्धेच्या उपांत्यपूर्व फेरीत प्रवेश केला आहे. विकास कृष्णन (७५ किलो), गौरव बिधुरी (५६ किलो) आणि अमित फंगल (४९ किलो) यांनी यापूर्वीच उपांत्यपूर्व फेरी गाठली आहे.
शिव थापाला त्याच्या गटात चौथे मानांकन देण्यात आले आहे. जागतिक अजिंक्यपद स्पर्धेत ब्राँझपदक मिळवणाऱ्या शिवने किर्गिस्तानच्या ओमुर्बेक मलाबेकोववर मात केली. उपांत्यपूर्व फेरीत त्याची लढत चायनीज तैपेईच्या चू-एन लाईविरुद्ध होणार आहे. सुरुवातीला दोन्ही बॉक्सरनी वेळकाढूपणा केला. मात्र, संधी मिळताच शिवने जबरदस्त ठोसे लगावले. यात ओमुर्बेकच्या डाव्या डोळ्याला दुखापत झाली. आशियाई ऑलिंपिक पात्रता फेरीतील सुवर्णपदक विजेत्या सुमीतनेही आपली आगेकूच कायम राखली. त्याने मंगोलियाच्या एर्डेनेबायार सांदागसुरेनवर मात केली. त्याची पुढील फेरीत तिसऱ्या मानांकित चीनच्या फेन्गकाई यू याच्याशी लढत होईल. मनीषने श्रीलंकेच्या जी. आर. गुनरत्नवर, तर कविंदरने इंडोनेशियाच्या अल्डोमस सुगुरोवर मात केली.
या स्पर्धेत २८ देशातील १७९ बॉक्सर सहभागी झाले आहेत. या स्पर्धेद्वारे बॉक्सरना ऑगस्ट-सप्टेंबरमध्ये जर्मनी येथे होणाऱ्या जागतिक अजिंक्यपद स्पर्धेसाठी पात्र ठरता येणार आहे. ही स्पर्धा दहा वेगवेगळ्या वजनी गटात होत असून, प्रत्येक गटातील अव्वल सहा बॉक्सर जागतिक स्पर्धेसाठी पात्र ठरतील. २०१५मध्ये झालेल्या आशियाई अजिंक्यपद स्पर्धेत भारताच्या विकास कृष्णनने रौप्य, तर शिव, एल. देवेंद्रोसिंग आणि सतीशने ब्राँझपदकाची कमाई केली होती.
भारताच्या शिव थापा (६० किलो), सुमीत संगवान (९१ किलो), मनीष पनवर (८१ किलो) आणि कविंदरसिंग बिश्त (४९ किलो) यांनी आशियाई बॉक्सिंग अजिंक्यपद स्पर्धेच्या उपांत्यपूर्व फेरीत प्रवेश केला आहे. विकास कृष्णन (७५ किलो), गौरव बिधुरी (५६ किलो) आणि अमित फंगल (४९ किलो) यांनी यापूर्वीच उपांत्यपूर्व फेरी गाठली आहे.
शिव थापाला त्याच्या गटात चौथे मानांकन देण्यात आले आहे. जागतिक अजिंक्यपद स्पर्धेत ब्राँझपदक मिळवणाऱ्या शिवने किर्गिस्तानच्या ओमुर्बेक मलाबेकोववर मात केली. उपांत्यपूर्व फेरीत त्याची लढत चायनीज तैपेईच्या चू-एन लाईविरुद्ध होणार आहे. सुरुवातीला दोन्ही बॉक्सरनी वेळकाढूपणा केला. मात्र, संधी मिळताच शिवने जबरदस्त ठोसे लगावले. यात ओमुर्बेकच्या डाव्या डोळ्याला दुखापत झाली. आशियाई ऑलिंपिक पात्रता फेरीतील सुवर्णपदक विजेत्या सुमीतनेही आपली आगेकूच कायम राखली. त्याने मंगोलियाच्या एर्डेनेबायार सांदागसुरेनवर मात केली. त्याची पुढील फेरीत तिसऱ्या मानांकित चीनच्या फेन्गकाई यू याच्याशी लढत होईल. मनीषने श्रीलंकेच्या जी. आर. गुनरत्नवर, तर कविंदरने इंडोनेशियाच्या अल्डोमस सुगुरोवर मात केली.
या स्पर्धेत २८ देशातील १७९ बॉक्सर सहभागी झाले आहेत. या स्पर्धेद्वारे बॉक्सरना ऑगस्ट-सप्टेंबरमध्ये जर्मनी येथे होणाऱ्या जागतिक अजिंक्यपद स्पर्धेसाठी पात्र ठरता येणार आहे. ही स्पर्धा दहा वेगवेगळ्या वजनी गटात होत असून, प्रत्येक गटातील अव्वल सहा बॉक्सर जागतिक स्पर्धेसाठी पात्र ठरतील. २०१५मध्ये झालेल्या आशियाई अजिंक्यपद स्पर्धेत भारताच्या विकास कृष्णनने रौप्य, तर शिव, एल. देवेंद्रोसिंग आणि सतीशने ब्राँझपदकाची कमाई केली होती.