शिवनेरीची रोड रेस
मुंबई : भारतीय खेळांच्या प्रगतीसाठी सातत्याने कार्यरत असणाऱ्या दादर येथील शिवनेरी सेवा मंडळाने सुवर्ण महोत्सवी वर्षात पदार्पण केले आहे. या सुवर्ण महोत्सवी वर्षाची सुरुवात १५ ऑगस्ट रोजी रोड रेसने केली जाणार आहे. मुंबई जिल्हा अॅथलेटिक्स असोसिएशनच्या सहकार्याने होणाऱ्या या शर्यतीत मुंबईतील नामवंत धावपटू सहभागी होणार आहेत. १५ ऑगस्ट रोजी सकाळी ६:३० वाजता शर्यतीला शिवनेरी सेवा मंडळ, दादर (पूर्व), येथील कचेरी जवळून सुरुवात होईल. पुरुष, महिला , १७ वर्षांखालील मुलगे व मुली तसेच १४ वर्षाखालील मुलगे व मुली अशा सहा गटात हि स्पर्धा आयोजित केली जाणार आहे. स्पर्धेतील विजेत्यांना रोख रक्कम व चषक देऊन गौरवण्यात येईल. याच सुवर्ण महोत्सवी वर्षात कबड्डी व खो-खोच्या स्पर्धांचेही आयोजन करण्याचे मंडळाने ठरविले आहे, असे विश्वास मोरे यांनी कळविले आहे. संपर्क : बाळ धुरी ( ९७६९५९१४१३ ) सचिन मांजरेकर (९८२१०६१५०१) आणि भाऊ सोनावडेकर (९८६७६३२४८९ ).
टाइम्स शिल्डसाठी आवाहन
मुंबई : टाइम्स शिल्ड क्रिकेट स्पर्धेच्या २०१८-१९ या हंगामासाठी प्रवेशिका १३ ऑगस्टपासून स्वीकारल्या जाणार आहेत. ३१ ऑगस्टपर्यंत ही प्रक्रिया सुरू राहील. सकाळी १०.३० ते १२.३० व २.३० ते ५.३० या वेळेत प्रवेशिका टाइम्स ऑफ इंडिया बिल्डिंग, पहिला मजला, डॉ. डी.एन. रोड येथे स्वीकारल्या जातील. संपर्क : ६६३५४१२८