वृत्तसंस्था, सिडनी
भारताच्या किदाम्बी श्रीकांतने आपला विजयी धडाका कायम राखला आहे. त्याने चौथ्या मानांकित शि युकीवर मात करून ऑस्ट्रेलियन ओपन सुपर सीरिज बॅडमिंटन स्पर्धेच्या अंतिम फेरीत प्रवेश केला आहे. सलग तिसऱ्या सुपर सीरिज स्पर्धेच्या अंतिम फेरीत पोहोचण्यात पराक्रम श्रीकांतने केला आहे.
पुरुष एकेरीच्या उपांत्य फेरीत श्रीकांतने चीनच्या शि युकीवर २१-१०, २१-१४ असा विजय मिळवला. ही लढत ३७ मिनिटे चालली. गेल्या वर्षीच्या स्पर्धेत श्रीकांतला उपांत्य फेरीत पराभव पत्करावा लागला होता. या वेळी उपांत्य फेरीत पराभूत न होण्याचा इराद्यानेच श्रीकांत कोर्टवर उतरला होता. जागतिक क्रमवारीत श्रीकांत अकराव्या स्थानी असून, युकी चौथ्या स्थानी आहे. यंदाच्या मोसमातील सिंगापूर ओपनमध्ये श्रीकांतने युकीला नमविले होते. या पराभवाची परतफेड करण्यासाठी युकी उत्सुक होता. मात्र, पहिल्या गेमपासून श्रीकांतने युकीवर वर्चस्व राखले.
विजेतेपदासाठी श्रीकांतची लढत चीनच्या चेन लाँगविरुद्ध होईल. जागतिक क्रमवारीत चेन सहाव्या स्थानी आहे. त्याने यापूर्वीच्या पाचही लढतींमध्ये श्रीकांतला नमविले आहे. यंदाच्या मोसमातील सुदिरामन कप आणि जर्मन ओपनमध्येही श्रीकांतला चेनचे आव्हान भेदता आले नव्हते. दुसऱ्या उपांत्य लढतीत चेनने कोरियाच्या ली ह्यूनवर २६-२४, १५-२१, २१-१७ असा संघर्षपूर्ण विजय मिळवला. चेनने रिओ ऑलिंपिकमध्ये सुवर्णपदक मिळवले आहे. त्याचबरोबर दोन वेला वर्ल्ड चॅम्पियनही तो राहिला आहे.
भारताच्या किदाम्बी श्रीकांतने आपला विजयी धडाका कायम राखला आहे. त्याने चौथ्या मानांकित शि युकीवर मात करून ऑस्ट्रेलियन ओपन सुपर सीरिज बॅडमिंटन स्पर्धेच्या अंतिम फेरीत प्रवेश केला आहे. सलग तिसऱ्या सुपर सीरिज स्पर्धेच्या अंतिम फेरीत पोहोचण्यात पराक्रम श्रीकांतने केला आहे.
पुरुष एकेरीच्या उपांत्य फेरीत श्रीकांतने चीनच्या शि युकीवर २१-१०, २१-१४ असा विजय मिळवला. ही लढत ३७ मिनिटे चालली. गेल्या वर्षीच्या स्पर्धेत श्रीकांतला उपांत्य फेरीत पराभव पत्करावा लागला होता. या वेळी उपांत्य फेरीत पराभूत न होण्याचा इराद्यानेच श्रीकांत कोर्टवर उतरला होता. जागतिक क्रमवारीत श्रीकांत अकराव्या स्थानी असून, युकी चौथ्या स्थानी आहे. यंदाच्या मोसमातील सिंगापूर ओपनमध्ये श्रीकांतने युकीला नमविले होते. या पराभवाची परतफेड करण्यासाठी युकी उत्सुक होता. मात्र, पहिल्या गेमपासून श्रीकांतने युकीवर वर्चस्व राखले.
विजेतेपदासाठी श्रीकांतची लढत चीनच्या चेन लाँगविरुद्ध होईल. जागतिक क्रमवारीत चेन सहाव्या स्थानी आहे. त्याने यापूर्वीच्या पाचही लढतींमध्ये श्रीकांतला नमविले आहे. यंदाच्या मोसमातील सुदिरामन कप आणि जर्मन ओपनमध्येही श्रीकांतला चेनचे आव्हान भेदता आले नव्हते. दुसऱ्या उपांत्य लढतीत चेनने कोरियाच्या ली ह्यूनवर २६-२४, १५-२१, २१-१७ असा संघर्षपूर्ण विजय मिळवला. चेनने रिओ ऑलिंपिकमध्ये सुवर्णपदक मिळवले आहे. त्याचबरोबर दोन वेला वर्ल्ड चॅम्पियनही तो राहिला आहे.