म. टा. क्रीडा प्रतिनिधी, पुणे
मुंबईच्या नील रॉयने रविवारी खेलो इंडिया स्कूल गेममध्ये रौप्यपदकाची कमाई केली. नवी दिल्लीमध्ये ही स्पर्धा सुरू आहे. जलतरणात १०० मी. फ्रीस्टाइलमध्ये रविवारी जमनाबाई नरसी स्कूलच्या नील रॉयला रौप्यपदकावर समाधान मानावे लागले. नीलने ५३.३६ सेकंद वेळ नोंदविली, तर कर्नाटकच्या भगवान महावीर जैन कॉलेजच्या श्रीहरी नटराजने सुवर्णपदक पटकावले. त्याने ५३.०७ सेकंद वेळ नोंदविली. तसेच, मुलांच्या ५० मी. ब्रेस्ट स्ट्रोकमध्ये पोदार कॉलेजच्या आर्यन केदारेला ब्राँझपदकावर समाधान मानावे लागले. आर्यनने ३२.५१ सेकंद वेळ नोंदविली. मणिपूरच्या मैबम मेइतेइने ३१.८४ सेकंद वेळ नोंदवीत सुवर्णपदक पटकावले, तर दिल्लीच्या तनीष कासवान नायासारने ३२.११ सेकंद वेळ नोंदवीत रौप्यपदक मिळविले.
कुस्तीमध्ये मुलांच्या फ्रीस्टाइलमधील ७६ किलो गटात महाराष्ट्राच्या वेताळ शेळकेला रौप्यपदकावर समाधान मानावे लागले. दिल्लीच्या अंकित वत्सने सुवर्णपदक पटकावले. याशिवाय फ्रीस्टाइलमधील मुलींच्या ६५ किलो गटात कोल्हापूरच्या विश्रांती पाटील आणि जळगावच्या हर्षदा जाधवने ब्राँझपदक मिळविले. तसेच, ६० किलो गटात कोल्हापूरच्या सृष्टी भोसलेने ब्राँझपदक मिळविले. फ्रीस्टाइलमधील मुलांच्या १०० किलो गटात प्रशांत सूर्यवंशीला आणि ६९ किलो गटात संजीवकुमारला ब्राँझपदकावर समाधान मानावे लागले. रविवारी महाराष्ट्राला पदकतक्त्यात अव्वल स्थान राखता आले नाही. हरियाणाने अव्वल स्थानावर झेप घेतली असून, हरियाणाच्या खात्यात २० सुवर्ण, सोळा रौप्य आणि १८ ब्राँझपदके आहेत. त्यापाठोपाठ दिल्ली असून, दिल्लीच्या खात्यात १७ सुवर्ण, १९ रौप्य आणि २४ ब्राँझपदके आहे. महाराष्ट्र तिसऱ्या क्रमांकावर असून, महाराष्ट्राच्या खात्यात १६ सुवर्ण, १३ रौप्य आणि १८ ब्राँझ अशी ४७ पदके आहे.
मुंबईच्या नील रॉयने रविवारी खेलो इंडिया स्कूल गेममध्ये रौप्यपदकाची कमाई केली. नवी दिल्लीमध्ये ही स्पर्धा सुरू आहे. जलतरणात १०० मी. फ्रीस्टाइलमध्ये रविवारी जमनाबाई नरसी स्कूलच्या नील रॉयला रौप्यपदकावर समाधान मानावे लागले. नीलने ५३.३६ सेकंद वेळ नोंदविली, तर कर्नाटकच्या भगवान महावीर जैन कॉलेजच्या श्रीहरी नटराजने सुवर्णपदक पटकावले. त्याने ५३.०७ सेकंद वेळ नोंदविली. तसेच, मुलांच्या ५० मी. ब्रेस्ट स्ट्रोकमध्ये पोदार कॉलेजच्या आर्यन केदारेला ब्राँझपदकावर समाधान मानावे लागले. आर्यनने ३२.५१ सेकंद वेळ नोंदविली. मणिपूरच्या मैबम मेइतेइने ३१.८४ सेकंद वेळ नोंदवीत सुवर्णपदक पटकावले, तर दिल्लीच्या तनीष कासवान नायासारने ३२.११ सेकंद वेळ नोंदवीत रौप्यपदक मिळविले.
कुस्तीमध्ये मुलांच्या फ्रीस्टाइलमधील ७६ किलो गटात महाराष्ट्राच्या वेताळ शेळकेला रौप्यपदकावर समाधान मानावे लागले. दिल्लीच्या अंकित वत्सने सुवर्णपदक पटकावले. याशिवाय फ्रीस्टाइलमधील मुलींच्या ६५ किलो गटात कोल्हापूरच्या विश्रांती पाटील आणि जळगावच्या हर्षदा जाधवने ब्राँझपदक मिळविले. तसेच, ६० किलो गटात कोल्हापूरच्या सृष्टी भोसलेने ब्राँझपदक मिळविले. फ्रीस्टाइलमधील मुलांच्या १०० किलो गटात प्रशांत सूर्यवंशीला आणि ६९ किलो गटात संजीवकुमारला ब्राँझपदकावर समाधान मानावे लागले. रविवारी महाराष्ट्राला पदकतक्त्यात अव्वल स्थान राखता आले नाही. हरियाणाने अव्वल स्थानावर झेप घेतली असून, हरियाणाच्या खात्यात २० सुवर्ण, सोळा रौप्य आणि १८ ब्राँझपदके आहेत. त्यापाठोपाठ दिल्ली असून, दिल्लीच्या खात्यात १७ सुवर्ण, १९ रौप्य आणि २४ ब्राँझपदके आहे. महाराष्ट्र तिसऱ्या क्रमांकावर असून, महाराष्ट्राच्या खात्यात १६ सुवर्ण, १३ रौप्य आणि १८ ब्राँझ अशी ४७ पदके आहे.