म. टा. क्रीडा प्रतिनिधी, हैदराबाद:
कमॉन साय, कमॉन साय... अशा पुकाऱ्याला मिळालेली शिट्यांची साथ, लाल रंगाचे झेंडे आणि टाळ्यांचा कडकडाट हैदराबाद हंटर्सच्या बी साईप्रणीतच्या सामन्याच्यावेळी गचीबाऊली क्रीडा संकुलातील हा माहोल. घेतलेली आघाडी गमावणे, स्मॅश मारण्याच्या नादात केलेल्या क्षुल्लक चुका सुधारून साईप्रणीतने सामन्यातील पुरुष एकेरीच्या झुंजीत चाँग वी फेंगचे कडवे आव्हान १०-१५, ५-७, १५-१४ असे मोडून काढले. प्रीमियर बॅडमिंटन लीगच्या या लढतीत हैदराबाद हंटर्सनी सनसनाटी खेळ करत बेंगळुरू ब्लास्टर्सवर ५-० अशी विजयी आघाडी घेतली.
जागतिक रँकिंगमध्ये ४२व्या क्रमांकावरील फेंगने जागतिक रँकिंगमध्ये १६व्या क्रमांकावरील साईप्रणीतच्या तोंडचे पाणी पळवले होते. स्टेडियम साईप्रणीतच्या बाजूने होते अन्यथा त्याच्या तुलनेत अधिक सरस आणि चपळ असलेल्या फेंगने साईप्रणीतवर नक्की सरशी साधली असती. अगदी अखेरच्या गुणापर्यंत त्याने हार मानली नव्हतीच. प्रतिस्पर्धी साईप्रणीत आणि विरोधात उभ्या ठाकलेल्या प्रेक्षकांकडे कानाडोळा करून खेळणे त्याला छान जमत होते. साईप्रणीत किंचीत सरस ठरला अन् बाजी फेंगच्या हातून निसटली.
सात्विकची ‘बोल्ट पोझ’
तेवढ्याच ताकदीचा स्मॅश आणि पुढच्या क्षणी तेवढ्याच संयमाने खेळाच्या गतीवर मिळवलेले नियंत्रण. क्रॉस कोर्ट फटक्यांचा सढळ वापर. पीबीएलच्या हैदराबाद संघातील सात्विकसाईराज रांकीरेड्डीच्या खेळाची ही वैशिष्ट्य. पिया बर्नाडसह मिश्रच्या लढतीत खेळताना या १७ वर्षांच्या बॅडमिंटनपटूने बेंगळुरूची अनुभवी जोडी सिकी रेड्डी-मनू अत्री यांच्यावर १५-६, १४-१५, १५-९ असा विजय मिळवला. सात्विकला प्रेक्षकांचा मोठ्या प्रमाणात पाठिंबा होता. जिंकल्यावर खास ‘उसेन बोल्ट’ची पोझ तो पीबीएल सामन्यांदरम्यान देतो. त्यामुळे गुरुवारी विजय मिळवल्यावरही सात्विकने खास तशी पोझ द्यावी, अशी शिफारस स्टेडियममधील प्रेक्षकांच्या एका गटाने सात्विकचे नाव घेऊन केली. त्याला पडत्या फळाची आज्ञा, असे मानत सात्विकने तत्परतेने तशी पोझ दिली.
कमॉन साय, कमॉन साय... अशा पुकाऱ्याला मिळालेली शिट्यांची साथ, लाल रंगाचे झेंडे आणि टाळ्यांचा कडकडाट हैदराबाद हंटर्सच्या बी साईप्रणीतच्या सामन्याच्यावेळी गचीबाऊली क्रीडा संकुलातील हा माहोल. घेतलेली आघाडी गमावणे, स्मॅश मारण्याच्या नादात केलेल्या क्षुल्लक चुका सुधारून साईप्रणीतने सामन्यातील पुरुष एकेरीच्या झुंजीत चाँग वी फेंगचे कडवे आव्हान १०-१५, ५-७, १५-१४ असे मोडून काढले. प्रीमियर बॅडमिंटन लीगच्या या लढतीत हैदराबाद हंटर्सनी सनसनाटी खेळ करत बेंगळुरू ब्लास्टर्सवर ५-० अशी विजयी आघाडी घेतली.
जागतिक रँकिंगमध्ये ४२व्या क्रमांकावरील फेंगने जागतिक रँकिंगमध्ये १६व्या क्रमांकावरील साईप्रणीतच्या तोंडचे पाणी पळवले होते. स्टेडियम साईप्रणीतच्या बाजूने होते अन्यथा त्याच्या तुलनेत अधिक सरस आणि चपळ असलेल्या फेंगने साईप्रणीतवर नक्की सरशी साधली असती. अगदी अखेरच्या गुणापर्यंत त्याने हार मानली नव्हतीच. प्रतिस्पर्धी साईप्रणीत आणि विरोधात उभ्या ठाकलेल्या प्रेक्षकांकडे कानाडोळा करून खेळणे त्याला छान जमत होते. साईप्रणीत किंचीत सरस ठरला अन् बाजी फेंगच्या हातून निसटली.
सात्विकची ‘बोल्ट पोझ’
तेवढ्याच ताकदीचा स्मॅश आणि पुढच्या क्षणी तेवढ्याच संयमाने खेळाच्या गतीवर मिळवलेले नियंत्रण. क्रॉस कोर्ट फटक्यांचा सढळ वापर. पीबीएलच्या हैदराबाद संघातील सात्विकसाईराज रांकीरेड्डीच्या खेळाची ही वैशिष्ट्य. पिया बर्नाडसह मिश्रच्या लढतीत खेळताना या १७ वर्षांच्या बॅडमिंटनपटूने बेंगळुरूची अनुभवी जोडी सिकी रेड्डी-मनू अत्री यांच्यावर १५-६, १४-१५, १५-९ असा विजय मिळवला. सात्विकला प्रेक्षकांचा मोठ्या प्रमाणात पाठिंबा होता. जिंकल्यावर खास ‘उसेन बोल्ट’ची पोझ तो पीबीएल सामन्यांदरम्यान देतो. त्यामुळे गुरुवारी विजय मिळवल्यावरही सात्विकने खास तशी पोझ द्यावी, अशी शिफारस स्टेडियममधील प्रेक्षकांच्या एका गटाने सात्विकचे नाव घेऊन केली. त्याला पडत्या फळाची आज्ञा, असे मानत सात्विकने तत्परतेने तशी पोझ दिली.