>> ए. रत्नाकर । हैदराबाद
रिओ ऑलिम्पिकमध्ये रौप्यपदक पटकावून इतिहास रचणारी भारताची बॅडमिंटन क्वीन पी व्ही सिंधूची यशस्वी घोडदौड सुरूच असून 'बेसलाइन' या स्पोर्ट्स मॅनेजमेंट कंपनीनं या 'रुपेरी कन्ये'शी तीन वर्षांसाठी ५० कोटी रुपयांचा करार केला आहे. क्रिकेट वगळता अन्य खेळातील क्रीडापटूशी झालेला हा सगळ्यात मोठा करार ठरलाय.
आजवर कुठल्याही भारतीय बॅडमिंटनपटूला न जमलेला पराक्रम पी व्ही सिंधूनं रिओ ऑलम्पिकमध्ये केला. स्वाभाविकच, मायदेशी परतल्यापासून तिच्यावर बक्षिसांचा पाऊस पडतोय. पण, या रुपेरी यशामुळे सिंधूची 'ब्रॅण्ड व्हॅल्यू' कुठच्या कुठे जाऊन पोहोचलेय, याची प्रचिती 'बेसलाइन'नं तिच्याशी केलेल्या करारामुळे आली आहे. या कंपनीनं सिंधूच्या ब्रॅण्डिंगची पूर्ण जबाबदारी घेतली आहे. म्हणजेच, सिंधूनं कुठल्या जाहिराती करायच्या, रॅकेटवर - कपड्यांवर कुठला लोगो ठेवायचा, त्यासाठी किती मानधन घ्यायचं, कुठल्या कार्यक्रमांना जायचं, हे सगळं नियोजन ही कंपनी करणार आहे. त्यासाठी या कंपनीनं सिंधूला ५० कोटी रुपये मोजून करारबद्ध केलंय.
पी व्ही सिंधूनं आपल्या उत्पादनांची जाहिरात करावी म्हणून आजघडीला सुमारे १६ कंपन्या प्रयत्नशील आहेत. त्यापैकी नऊ कंपन्यांशी ती करार करेल, असं 'बेसलाइन'चे सहसंस्थापक आणि एमडी तुहीन मिश्रा यांनी 'टाइम्स ऑफ इंडिया'ला सांगितलं. विक्रमी यश मिळवूनही अत्यंत नम्रतेनं वागणाऱ्या सिंधूची लोकप्रियता दिवसेंदिवस वाढणार आहे. अशावेळी तिचा मान-प्रतिष्ठा वाढवण्यासाठी आम्ही पूर्ण प्रयत्न करू, असंही त्यांनी स्पष्ट केलं.
बॅडमिंटनमधील 'महागुरू' पुलेला गोपीचंद यांनी सामाजिक जाणिवेचं भान ठेवून 'कोला'च्या जाहिराती करण्यास स्पष्ट नकार दिला होता. ही गोष्ट मुलांच्या आरोग्यासाठी चांगली नाही, असं म्हणत त्यांनी लाखोंची ऑफर धुडकावली होती. त्यांच्या पावलावर पाऊल ठेवून, तरुणांसाठी अपायकारक असलेल्या कुठल्याही उत्पादनांची जाहिरात न करण्याचा निर्णय सिंधूनं घेतला आहे. जाहिरातीच्या शूटिंगचा तिच्या सरावावर कुठलाही परिणाम होणार नाही, वेळेचं नियोजन त्यादृष्टीनंच करण्याचंही तिनं ठरवलं आहे.
रिओ ऑलिम्पिकमध्ये रौप्यपदक पटकावून इतिहास रचणारी भारताची बॅडमिंटन क्वीन पी व्ही सिंधूची यशस्वी घोडदौड सुरूच असून 'बेसलाइन' या स्पोर्ट्स मॅनेजमेंट कंपनीनं या 'रुपेरी कन्ये'शी तीन वर्षांसाठी ५० कोटी रुपयांचा करार केला आहे. क्रिकेट वगळता अन्य खेळातील क्रीडापटूशी झालेला हा सगळ्यात मोठा करार ठरलाय.
आजवर कुठल्याही भारतीय बॅडमिंटनपटूला न जमलेला पराक्रम पी व्ही सिंधूनं रिओ ऑलम्पिकमध्ये केला. स्वाभाविकच, मायदेशी परतल्यापासून तिच्यावर बक्षिसांचा पाऊस पडतोय. पण, या रुपेरी यशामुळे सिंधूची 'ब्रॅण्ड व्हॅल्यू' कुठच्या कुठे जाऊन पोहोचलेय, याची प्रचिती 'बेसलाइन'नं तिच्याशी केलेल्या करारामुळे आली आहे. या कंपनीनं सिंधूच्या ब्रॅण्डिंगची पूर्ण जबाबदारी घेतली आहे. म्हणजेच, सिंधूनं कुठल्या जाहिराती करायच्या, रॅकेटवर - कपड्यांवर कुठला लोगो ठेवायचा, त्यासाठी किती मानधन घ्यायचं, कुठल्या कार्यक्रमांना जायचं, हे सगळं नियोजन ही कंपनी करणार आहे. त्यासाठी या कंपनीनं सिंधूला ५० कोटी रुपये मोजून करारबद्ध केलंय.
पी व्ही सिंधूनं आपल्या उत्पादनांची जाहिरात करावी म्हणून आजघडीला सुमारे १६ कंपन्या प्रयत्नशील आहेत. त्यापैकी नऊ कंपन्यांशी ती करार करेल, असं 'बेसलाइन'चे सहसंस्थापक आणि एमडी तुहीन मिश्रा यांनी 'टाइम्स ऑफ इंडिया'ला सांगितलं. विक्रमी यश मिळवूनही अत्यंत नम्रतेनं वागणाऱ्या सिंधूची लोकप्रियता दिवसेंदिवस वाढणार आहे. अशावेळी तिचा मान-प्रतिष्ठा वाढवण्यासाठी आम्ही पूर्ण प्रयत्न करू, असंही त्यांनी स्पष्ट केलं.
बॅडमिंटनमधील 'महागुरू' पुलेला गोपीचंद यांनी सामाजिक जाणिवेचं भान ठेवून 'कोला'च्या जाहिराती करण्यास स्पष्ट नकार दिला होता. ही गोष्ट मुलांच्या आरोग्यासाठी चांगली नाही, असं म्हणत त्यांनी लाखोंची ऑफर धुडकावली होती. त्यांच्या पावलावर पाऊल ठेवून, तरुणांसाठी अपायकारक असलेल्या कुठल्याही उत्पादनांची जाहिरात न करण्याचा निर्णय सिंधूनं घेतला आहे. जाहिरातीच्या शूटिंगचा तिच्या सरावावर कुठलाही परिणाम होणार नाही, वेळेचं नियोजन त्यादृष्टीनंच करण्याचंही तिनं ठरवलं आहे.