दुबईः भारताच्या पीव्ही सिंधूने शनिवारी दुबई वर्ल्ड सुपरसीरिज फायनल्स बॅडमिंटन स्पर्धेच्या अंतिम फेरीत प्रवेश केला. उपांत्य लढतीत सिंधूने चीनच्या युफाय चेनला २१-१५, २१-१८ असे पराभूत केले. सिंधूने प्रथमच या स्पर्धेची अंतिम फेरी गाठली. यापूर्वी भारताच्या सायना नेहवालने या स्पर्धेची अंतिम फेरी गाठली होती. अंतिम लढतीत सिंधूची गाठ जपानच्या अकेन यामागुचीशी पडणार आहे. साखळी लढतीत सिंधू-यामागुची आमनेसामने आल्या होत्या. त्यात सिंधूने बाजी मारली होती. आता पुन्हा एकदा यामागुचीला हरवून सिंधू जेतेपदावर शिक्कामोर्तब करणार का, याबाबत उत्सुकता आहे.
जागतिक क्रमवारीत सिंधू तिसऱ्या, तर चेन आठव्या क्रमांकावर आहे. यापूर्वी यादोघी पाचवेळा आमनेसामने आल्या होत्या. त्यात तीनवेळा सिंधूने, तर एकदा चेनने बाजी मारली होती. ऑक्टोबरमध्ये झालेल्या फ्रेंच ओपनमध्ये सिंधूने चेनला हरविले होते. तशाच कामगिरीची पुनरावृत्ती करण्यासाठी सिंधू उत्सुक होती. तासभर चाललेल्या लढतीत सुरुवातीपासून चुरस पाहायला मिळाली. ब्रेक झाला तेव्हा सिंधूकडे ११-१० अशी निसटती आघाडी होती. ब्रेकनंतर सिंधूने चेनला प्रतिकाराची फारशी संधी न देता पहिल्या गेममध्ये बाजी मारली.
दुसऱ्या गेममध्येही सुरुवातीपासून चुरस पाहायला मिळाली. सिंधूने ब्रेक झाला तेव्हा ११-८ अशी आघाडी घेतली होती. ब्रेकनंतर पाहता पाहता चेनने सिंधूला मागे टाकून १६-१५ अशी निसटती आघाडी मिळविली होती. मात्र, त्यानंतर सिंधूने सलग चार पॉइंट घेत आघाडी मिळविली. त्यानंतर चेनने झुंज दिली. मात्र, १९-१८ अशी आघाडी असताना सलग दोन पॉइंट घेत सिंधूने विजयावर शिक्कामोर्तब केले.
जागतिक क्रमवारीत सिंधू तिसऱ्या, तर चेन आठव्या क्रमांकावर आहे. यापूर्वी यादोघी पाचवेळा आमनेसामने आल्या होत्या. त्यात तीनवेळा सिंधूने, तर एकदा चेनने बाजी मारली होती. ऑक्टोबरमध्ये झालेल्या फ्रेंच ओपनमध्ये सिंधूने चेनला हरविले होते. तशाच कामगिरीची पुनरावृत्ती करण्यासाठी सिंधू उत्सुक होती. तासभर चाललेल्या लढतीत सुरुवातीपासून चुरस पाहायला मिळाली. ब्रेक झाला तेव्हा सिंधूकडे ११-१० अशी निसटती आघाडी होती. ब्रेकनंतर सिंधूने चेनला प्रतिकाराची फारशी संधी न देता पहिल्या गेममध्ये बाजी मारली.
दुसऱ्या गेममध्येही सुरुवातीपासून चुरस पाहायला मिळाली. सिंधूने ब्रेक झाला तेव्हा ११-८ अशी आघाडी घेतली होती. ब्रेकनंतर पाहता पाहता चेनने सिंधूला मागे टाकून १६-१५ अशी निसटती आघाडी मिळविली होती. मात्र, त्यानंतर सिंधूने सलग चार पॉइंट घेत आघाडी मिळविली. त्यानंतर चेनने झुंज दिली. मात्र, १९-१८ अशी आघाडी असताना सलग दोन पॉइंट घेत सिंधूने विजयावर शिक्कामोर्तब केले.