वृत्तसंस्था, सिडनी
भारताच्या पी. व्ही. सिंधूला ऑस्ट्रेलियन ओपन सुपर सीरिज बॅडमिंटन स्पर्धेत पहिल्याच फेरीत विजयासाठी संघर्ष करावा लागला. किदाम्बी श्रीकांत, सायना नेहवाल, बी. साई प्रणीत यांनी आपापल्या प्रतिस्पर्ध्यावर मात करून विजयी सलामी दिली. अजय जयराम, पारुपल्ली कश्यप, सीरिल वर्माला मात्र पराभव पत्करावा लागला.
महिला एकेरीच्या सलामीच्या लढतीत पाचव्या मानांकित सिंधूने जपानच्या सायाका सातोवर २१-१७, १४-२१, २१-१८ अशी मात केली. ही लढत एक तास अन् पाच मिनिटे चालली. जागतिक क्रमवारीत सिंधू तिसऱ्या, तर सायाका १७व्या स्थानी आहे. गेल्या वर्षी डेन्मार्क ओपनमध्ये सायाकाने सिंधूवर मात केली होती. या पराभवाची सिंधूने परतफेड केली. पहिल्या गेममध्ये सिंधू दोन पावले पुढेच राहिली. दुसऱ्या गेममध्ये सिंधूकडे १३-१० अशी आघाडी होती. मात्र, सायाकाने सलग सात गुण घेत आघाडी मिळवली. यानंतर ही गेम २१-१४ अशी सहज जिंकून आव्हान राखले. निर्णायक गेममध्ये सिंधूने ११-११ अशा बरोबरीनंतर सलग सात गुण घेतले आणि पिछाडी भरून काढण्याची संधी सायाकाला न देता बाजी मारली.
सायना नेहवालने चौथ्या मानांकित कोरियाच्या सुंग जी ह्यूनवर २१-१०, २१-१६ असा विजय मिळवला. ह्यूनवरील सायनाचा हा सातवा विजय ठरला. साईनाची दुसऱ्या फेरीत मलेशियाच्या सोनिया चेहविरुद्ध लढत होईल. चीनच्या चेन शिओशिनने ऋत्विका शिवानी गड्डेचे आव्हान २१-१७, १२-२१, २१-१२ असे परतवून लावले. महिला दुहेरीत अश्विनी पोनप्पा-एन. सिक्की रेड्डी जोडीने चेन-टॅम जोडीवर २१-१७, २०-२२, २१-१३ असा संघर्षपूर्ण विजय मिळवला.
पुरुष एकेरीच्या सलामीच्या लढतीत श्रीकांतने चायनीज तैपेईच्या कान चाओ यूला २१-१३, २१-१६ असे नमविले. जागतिक क्रमवारीत २२व्या स्थानी असलेल्या श्रीकांतसमोर दुसऱ्या फेरीत अग्रमानांकित सन वान होचे आव्हान असेल. सन आणि श्रीकांत यापूर्वी सात वेळा आमनेसामने आले आहेत. यातील चार लढती सनने जिंकल्या आहेत, तर तीन लढती श्रीकांतने जिंकल्या आहेत. जागतिक क्रमवारीत अव्वल स्थानी असलेल्या सनने सलामीच्या लढतीत कश्यपवर २१-१८, १४-२१, २१-१५ असा विजय मिळवला. कश्यपने पात्रता फेरीतून मुख्य फेरी गाठली होती. त्याने सनला चांगली लढत दिली. पण विजयापासून तो वंचित राहिला. साई प्रणीतला विजयासाठी संघर्ष करावा लागला खरा; पण त्याने इंडोनेशियाच्या टॉमी सुगिर्तोचे आव्हान १०-२१, २१-१२, २१-१० असे परतवून लावले. हाँगकाँगच्या न्ग का लाँग अँगसने अजय जयरामवर १४-२१, २१-१०, २१-९ असा विजय मिळवला. डेन्मार्कच्या हान्स-क्रिस्टियन सोलबर्ग व्हिटिंघसने पात्रता फेरीतून आलेल्या सीरिलवर २१-१६, २१-८ असा विजय मिळवला. इंग्लंडच्या राजीव ओसेफने एच. एस. प्रणॉयवर २१-१९, २१-१३ अशी मात केली. जागतिक क्रमवारीत प्रणॉय २५व्या, तर राजीव ३०व्या स्थानी आहे.
पुरुष दुहेरीत हेन्द्रा सेतीवान-बून हेआँग टॅन जोडीने फ्रान्सिस अल्विन-तरुण कोणा जोडीवर २१-१७, २१-१५ असा, ताकेशी कामरु-केईगो सोनोडा या जपानी जोडीने मनू अत्री- बी. सुमीत रेड्डी जोडीवर २२-२०, २१-६ असा विजय मिळवला. मिश्र दुहेरीत हाँगकाँगच्या ली चून हेई रेगिनल्ड-चायू होई वाह जोडीने सात्विकसाईराज रंकिरेड्डी –अश्विनी पोनप्पा जोडीवर २१-१३, २१-१७ अशी मात केली.
भारताच्या पी. व्ही. सिंधूला ऑस्ट्रेलियन ओपन सुपर सीरिज बॅडमिंटन स्पर्धेत पहिल्याच फेरीत विजयासाठी संघर्ष करावा लागला. किदाम्बी श्रीकांत, सायना नेहवाल, बी. साई प्रणीत यांनी आपापल्या प्रतिस्पर्ध्यावर मात करून विजयी सलामी दिली. अजय जयराम, पारुपल्ली कश्यप, सीरिल वर्माला मात्र पराभव पत्करावा लागला.
महिला एकेरीच्या सलामीच्या लढतीत पाचव्या मानांकित सिंधूने जपानच्या सायाका सातोवर २१-१७, १४-२१, २१-१८ अशी मात केली. ही लढत एक तास अन् पाच मिनिटे चालली. जागतिक क्रमवारीत सिंधू तिसऱ्या, तर सायाका १७व्या स्थानी आहे. गेल्या वर्षी डेन्मार्क ओपनमध्ये सायाकाने सिंधूवर मात केली होती. या पराभवाची सिंधूने परतफेड केली. पहिल्या गेममध्ये सिंधू दोन पावले पुढेच राहिली. दुसऱ्या गेममध्ये सिंधूकडे १३-१० अशी आघाडी होती. मात्र, सायाकाने सलग सात गुण घेत आघाडी मिळवली. यानंतर ही गेम २१-१४ अशी सहज जिंकून आव्हान राखले. निर्णायक गेममध्ये सिंधूने ११-११ अशा बरोबरीनंतर सलग सात गुण घेतले आणि पिछाडी भरून काढण्याची संधी सायाकाला न देता बाजी मारली.
सायना नेहवालने चौथ्या मानांकित कोरियाच्या सुंग जी ह्यूनवर २१-१०, २१-१६ असा विजय मिळवला. ह्यूनवरील सायनाचा हा सातवा विजय ठरला. साईनाची दुसऱ्या फेरीत मलेशियाच्या सोनिया चेहविरुद्ध लढत होईल. चीनच्या चेन शिओशिनने ऋत्विका शिवानी गड्डेचे आव्हान २१-१७, १२-२१, २१-१२ असे परतवून लावले. महिला दुहेरीत अश्विनी पोनप्पा-एन. सिक्की रेड्डी जोडीने चेन-टॅम जोडीवर २१-१७, २०-२२, २१-१३ असा संघर्षपूर्ण विजय मिळवला.
पुरुष एकेरीच्या सलामीच्या लढतीत श्रीकांतने चायनीज तैपेईच्या कान चाओ यूला २१-१३, २१-१६ असे नमविले. जागतिक क्रमवारीत २२व्या स्थानी असलेल्या श्रीकांतसमोर दुसऱ्या फेरीत अग्रमानांकित सन वान होचे आव्हान असेल. सन आणि श्रीकांत यापूर्वी सात वेळा आमनेसामने आले आहेत. यातील चार लढती सनने जिंकल्या आहेत, तर तीन लढती श्रीकांतने जिंकल्या आहेत. जागतिक क्रमवारीत अव्वल स्थानी असलेल्या सनने सलामीच्या लढतीत कश्यपवर २१-१८, १४-२१, २१-१५ असा विजय मिळवला. कश्यपने पात्रता फेरीतून मुख्य फेरी गाठली होती. त्याने सनला चांगली लढत दिली. पण विजयापासून तो वंचित राहिला. साई प्रणीतला विजयासाठी संघर्ष करावा लागला खरा; पण त्याने इंडोनेशियाच्या टॉमी सुगिर्तोचे आव्हान १०-२१, २१-१२, २१-१० असे परतवून लावले. हाँगकाँगच्या न्ग का लाँग अँगसने अजय जयरामवर १४-२१, २१-१०, २१-९ असा विजय मिळवला. डेन्मार्कच्या हान्स-क्रिस्टियन सोलबर्ग व्हिटिंघसने पात्रता फेरीतून आलेल्या सीरिलवर २१-१६, २१-८ असा विजय मिळवला. इंग्लंडच्या राजीव ओसेफने एच. एस. प्रणॉयवर २१-१९, २१-१३ अशी मात केली. जागतिक क्रमवारीत प्रणॉय २५व्या, तर राजीव ३०व्या स्थानी आहे.
पुरुष दुहेरीत हेन्द्रा सेतीवान-बून हेआँग टॅन जोडीने फ्रान्सिस अल्विन-तरुण कोणा जोडीवर २१-१७, २१-१५ असा, ताकेशी कामरु-केईगो सोनोडा या जपानी जोडीने मनू अत्री- बी. सुमीत रेड्डी जोडीवर २२-२०, २१-६ असा विजय मिळवला. मिश्र दुहेरीत हाँगकाँगच्या ली चून हेई रेगिनल्ड-चायू होई वाह जोडीने सात्विकसाईराज रंकिरेड्डी –अश्विनी पोनप्पा जोडीवर २१-१३, २१-१७ अशी मात केली.