'एसकेएफ', पुणे युनायटेडचे विजय
- फुटबॉल स्पर्धा
पुणे : एस. के. एफ., रियल पुणे युनायटेड या संघांनी गुरू तेग बहादूर फुटबॉल स्पर्धेत आपापल्या प्रतिस्पर्ध्यावर विजय नोंदविला.
'एसकेएफ'ने खडकीयन्स क्लबवर ८-२ अशी मात केली. 'एसकेएफ'कडून नीरज माने, तुषार दूर्गा, यश लोणारे यांनी प्रत्येकी दोन, तर मयूर वाघिर, अभिषेक पाल यांनी प्रत्येकी एक गोल नोंदविला. खडकीयन्सकडून राजेंदरने दोन गोल नोंदविले. दुसऱ्या लढतीत गणेश शिंदे, सिद्धेश थोरात, स्वप्नील पवार यांच्या प्रत्येकी एका गोलच्या जोरावर रियल पुणे युनायटेडने नॅशनल यूथ अॅकॅडमीवर ३-० अशी मात केली.
खडकी ब्लूज संघाने दिएगो ज्युनियर क्लबवर टायब्रेकअखेर ६-५ अशी मात केली. सातव्याच मिनिटाला अनमोल अगरवालने गोल नोंदवून दिएगो संघाचे खाते उघडले. त्यानंतर दोनच मिनिटांनी रौफ शेखने गोल नोंदवून खडकी ब्लूज संघाला १-१ अशी बरोबरी साधली. ही बरोबरी अखेरपर्यंत कायम राहिल्याने टायब्रेकचा अवलंब करण्यात आला. त्यात खडकी ब्लूजकडून अॅशली विल्सन, रौफ शेख, अॅण्ड्र्यू स्वामी, शोएब सलमानी, वाजिद शेख यांनी गोल नोंदविले, तर दिएगो संघाकडून अविष्कार शिंदे, निखिल शिंदे, मोलंगी, वर्धन परदेशी या चौघांनाच गोल नोंदविता आले.
डी. एम. आर. क्लबने नव महाराष्ट्र ंघावर ४-२ अशी मात केली. निर्धारित वेळेअखेर लढत गोलशून्य बरोबरीत सुटल्याने टायब्रेकचा अवलंब करण्यात आला. त्यात 'डीएमआर'कडून रेयान हबीब, अदिल पटेल, मुश्तगिश, दानिश यांनी गोल नोंदविले, तर नव महाराष्ट्र संघाकडून अमोल आणि दीपक हे दोघेच गोल नोंदवू शकले.