सिमरनजीतचे ब्राँझवर समाधान
वृत्तसंस्था, नवी दिल्ली
जागतिक महिला अजिंक्यपद बॉक्सिंग स्पर्धेमध्ये भारताच्या सुवर्णपदकाच्या आशा दोनवर पोहोचल्या आहेत. माजी विश्वविजेत्या मेरी कोमपाठोपाठ भारताच्या सोनिया चहलनेही शुक्रवारी या स्पर्धेच्या अंतिम फेरीत प्रवेश केला. भारताच्या सिमरनजीतला मात्र उपांत्य फेरीत पराभूत व्हावे लागल्याने ब्राँझपदकावर समाधान मानावे लागले.
२१ वर्षीय सोनियाने ५७ किलो वजनी गटाच्या उपांत्य फेरीत उत्तर कोरियाच्या जो सॉन ह्वा हिच्यावर ५-० अशी एकतर्फी मात केली. उत्तर कोरियाच्या बॉक्सरविरुद्ध सोनियाची सुरुवात संथ झाली होती. मात्र, दुसऱ्या राउंडमध्ये सोनियाने सामन्यावर नियंत्रण मिळवले. तिसऱ्या राउंडपासून सोनियाने आक्रमक आणि वेगवान खेळ केला. २०१६ मध्येच सोनियाने वरिष्ठ गटात खेळण्यास सुरुवात केली असून, ही तिची पहिलीच जागतिक अजिंक्यपद स्पर्धा आहे. अंतिम फेरीत सोनियाचा सामना शनिवारी जर्मनीच्या वॉहनर ऑर्नेला गॅब्रिएलशी होणार आहे. हरियाणातील भिवानी जिल्ह्यातील असलेल्या सोनियाने मागील वर्षी सर्बिया कपमध्ये सुवर्णपदक पटकावले होते, तर या वर्षी तुर्कीमध्ये झालेल्या एहमत कोमेर्त स्पर्धेमध्ये सोनियाने ब्राँझपदकाची कमाई केली होती. सोनिया म्हणाली, 'प्रतिस्पर्धी उत्तर कोरियन खेळाडू अनुभवी होती. तिच्याविरुद्धची लढत सोपी नव्हती. मात्र, मी प्रतिआक्रमणावर भर दिला आणि अखेरच्या तिसऱ्या फेरीत आक्रमक खेळ केला. त्यामुळे मला यश मिळाले.'
दरम्यान, शुक्रवारी ६४ किलो गटाच्या उपांत्य फेरीत चीनच्या डॅन डोऊने २३ वर्षीय सिमरनजीतला ४-१ असे पराभूत केले. सिमरनजीतचीही ही पहिलीच जागतिक स्पर्धा होती. भारताने या स्पर्धेत आतापर्यंत दोन ब्राँझपदके पटकावली असून, भारताला दोन सुवर्णपदक पटकावण्याची संधी आहे. असे झाल्यास ही भारताची जागतिक स्पर्धेतील २००८ पासूनची सर्वोत्तम कामगिरी ठरेल. २००८ च्या स्पर्धेत भारताने १ सुवर्ण, १ रौप्य व दोन ब्राँझ अशी कामगिरी केली होती.
वृत्तसंस्था, नवी दिल्ली
जागतिक महिला अजिंक्यपद बॉक्सिंग स्पर्धेमध्ये भारताच्या सुवर्णपदकाच्या आशा दोनवर पोहोचल्या आहेत. माजी विश्वविजेत्या मेरी कोमपाठोपाठ भारताच्या सोनिया चहलनेही शुक्रवारी या स्पर्धेच्या अंतिम फेरीत प्रवेश केला. भारताच्या सिमरनजीतला मात्र उपांत्य फेरीत पराभूत व्हावे लागल्याने ब्राँझपदकावर समाधान मानावे लागले.
२१ वर्षीय सोनियाने ५७ किलो वजनी गटाच्या उपांत्य फेरीत उत्तर कोरियाच्या जो सॉन ह्वा हिच्यावर ५-० अशी एकतर्फी मात केली. उत्तर कोरियाच्या बॉक्सरविरुद्ध सोनियाची सुरुवात संथ झाली होती. मात्र, दुसऱ्या राउंडमध्ये सोनियाने सामन्यावर नियंत्रण मिळवले. तिसऱ्या राउंडपासून सोनियाने आक्रमक आणि वेगवान खेळ केला. २०१६ मध्येच सोनियाने वरिष्ठ गटात खेळण्यास सुरुवात केली असून, ही तिची पहिलीच जागतिक अजिंक्यपद स्पर्धा आहे. अंतिम फेरीत सोनियाचा सामना शनिवारी जर्मनीच्या वॉहनर ऑर्नेला गॅब्रिएलशी होणार आहे. हरियाणातील भिवानी जिल्ह्यातील असलेल्या सोनियाने मागील वर्षी सर्बिया कपमध्ये सुवर्णपदक पटकावले होते, तर या वर्षी तुर्कीमध्ये झालेल्या एहमत कोमेर्त स्पर्धेमध्ये सोनियाने ब्राँझपदकाची कमाई केली होती. सोनिया म्हणाली, 'प्रतिस्पर्धी उत्तर कोरियन खेळाडू अनुभवी होती. तिच्याविरुद्धची लढत सोपी नव्हती. मात्र, मी प्रतिआक्रमणावर भर दिला आणि अखेरच्या तिसऱ्या फेरीत आक्रमक खेळ केला. त्यामुळे मला यश मिळाले.'
दरम्यान, शुक्रवारी ६४ किलो गटाच्या उपांत्य फेरीत चीनच्या डॅन डोऊने २३ वर्षीय सिमरनजीतला ४-१ असे पराभूत केले. सिमरनजीतचीही ही पहिलीच जागतिक स्पर्धा होती. भारताने या स्पर्धेत आतापर्यंत दोन ब्राँझपदके पटकावली असून, भारताला दोन सुवर्णपदक पटकावण्याची संधी आहे. असे झाल्यास ही भारताची जागतिक स्पर्धेतील २००८ पासूनची सर्वोत्तम कामगिरी ठरेल. २००८ च्या स्पर्धेत भारताने १ सुवर्ण, १ रौप्य व दोन ब्राँझ अशी कामगिरी केली होती.