मिरज : श्री भानू तालिम संस्था येथे झालेल्या ५३व्या पुरुष व महिला राज्य अजिंक्यपद व निवड चाचणी खोखो स्पर्धेत सांगलीची विजेतेपदांची मालिका खंडित करून पुण्याने पुरुष गटाचे विजेतेपद पटकाविले. तब्बल १८ वर्षांनी त्यांनी हे विजेतेपद जिंकले. महिलांमध्ये गतविजेत्या ठाण्याने विजेतेपद कायम राखले. पुण्याचा प्रतीक वाईकर व ठाण्याची प्रियंका भोपी स्पर्धेत सर्वोत्तम ठरले. अलाहिदा डावापर्यंत रंगलेल्या अंतिम सामन्यात पुण्याने सांगलीचे आव्हान २९-२७ असे मोडून काढले. पुण्यातर्फे प्रतीक वाईकर, अक्षय गणपुले, सुयश गरगटे यांनी विजयश्री खेचून आणली. सांगलीचे सुरेश सावंत, युवराज जाधव व नरेश सावंत चमकले. ठाण्याच्या पौर्णिमा सकपाळ, कविता घाणेकर, प्रणाली मगर यांनी आपल्या संघाला रत्नागिरीविरुद्ध विजय मिळवून दिला. स्पर्धेतील सर्वोत्कृष्ट संरक्षक उत्तम सावंत (सांगली), ऐश्वर्या सावंत (रत्नागिरी), आक्रमक म्हणून सुयश गरगटे (पुणे) व मीनल भोईर, अष्टपैलू म्हणून प्रतीक वाईकर व प्रियांका भोपी (ठाणे).
पुणे, ठाण्याला विजेतेपद
श्री भानू तालिम संस्था येथे झालेल्या ५३व्या पुरुष व महिला राज्य अजिंक्यपद व निवड चाचणी खोखो स्पर्धेत सांगलीची विजेतेपदांची मालिका खंडित करून पुण्याने पुरुष गटाचे विजेतेपद पटकाविले.
Maharashtra Times 11 Oct 2016, 4:00 am