अजलन शाह हॉकी स्पर्धेत भारताला कांस्य पदक

मटा ऑनलाइन वृत्त । इपोह (मलेशिया)

अजलन शाह हॉकी स्पर्धेत भारतीय संघाने कांस्य पदकावर आपले नाव कोरले. स्पर्धेच्या अंतिम फेरीत खेळण्याचे स्वप्न भंगल्यानंतर कांस्य पदकाच्या लढतीत न्यूझीलंडच्या संघाचा ४-० असा धुव्वा उडवला.

सामन्याच्या पहिल्या सत्रात दोन्ही संघाचे सामन्यावर नियंत्रण होते. मात्र, दुसऱ्या सत्रापासून भारतीय संघाने सामन्यावर पकड मिळवण्यास सुरूवात केली. दुसऱ्या सत्रातील पहिल्या मिनिटात पेनल्टी कॉर्नरवर रुपिंदर पाल सिंहने पहिला गोल केला. त्यानंतर रूपिंदर १० मिनिटांतच दुसरा गोल केला. तिसऱ्या सत्रात कोणताही गोल झाला नाही. चौथ्या सत्रात, सामन्याच्या ४८ व्या मिनिटाला एस.व्ही. सुनिल आणि तलविंदर सिंग याने ६० व्या मिनिटाला गोल करत सामन्यातील गोल आघाडी ४-० शून्य अशी वाढवली.