मुंबईः येत्या १६ सप्टेंबरपासून रंगणाऱ्या अखिल भारतीय १९ वर्षांखालील आमंत्रितांच्या वनडे स्पर्धेसाठी मुंबई संघाचे कर्णधारपद सुवेद पारकरकडे सोपवण्यात आले आहे. ही स्पर्धा बडोदे येथे रंगणार आहे. मुंबई संघः सुवेद पारकर (कर्णधार), दिव्यांश सक्सेना, करण शहा, प्रज्ञेश कानपिळेवार, हाशिर दाफेदार, अर्सलान शेख, यश साळुंखे, केसरसिंग थापा, वैभ कळमकर, अथर्व अनकोळेकर, भूषण जलावडकर, प्रफुल देवकाते, अर्जुन तेंडुलकर, उझेर खान, बलवंतसिंग सोधा, सक्षम पराशर.
नदाल अनुपस्थिती
लिलेः येत्या वीकेंडला रंगणाऱ्या डेव्हिस कप टेनिस स्पर्धेच्या उपांत्य फेरीत रफाएल नदालची अनुपस्थिती फ्रान्सला फायदेशीर ठरेल, असे मत फ्रान्सचा कर्णधार यानिक नोह यांनी व्यक्त केले. स्पेनने २००४, २००८, २००९ आणि २०११मध्ये पटकावलेल्या डेव्हिस कप टेनिस स्पर्धेच्या जेतेपदात रफाएल नदालचे महत्त्वाचे योगदान होते. मात्र अमेरिकन ओपनच्या उपांत्य फेरीत झालेल्या दुखापतीमुळे स्पेनच्या नदालने फ्रान्सविरुद्धच्या उपांत्य फेरीत भाग न घेण्याचा निर्णय घेतला आहे.