म. टा. प्रतिनिधी, औरंगाबाद
जायंट्स ग्रुप ऑफ चिकलठाणातर्फे जायंट्स स्थापनादिनानिमित्त शनिवारी (२२ सप्टेंबर) ज्येष्ठ नागरिकांसाठी चालण्याची स्पर्धा आयोजित करण्यात आली आहे.
रोपळेकर हॉस्पिटल चौक ते शहानूरमियाँ दर्गा चौक असा चालण्याच्या स्पर्धेचा मार्ग असणार आहे. या स्पर्धेत ६० ते ७१ आणि ७१ ते ७५ तसेच ७६ वर्षांपुढील वयोगट आहे. यावेळी तज्ज्ञ डॉक्टरांचे मार्गदर्शन स्पर्धकांना मिळणार आहे. शनिवारी सकाळी ६.१५ वाजता स्पर्धेला प्रारंभ होईल, अशी माहिती प्रकल्प अधिकारी विनोद शेवतेकर यांनी दिली. अधिक माहितीसाठी विनोद शेवतेकर, शिवप्रसाद तोतला, त्रिलोक बांठिया, गोपाल मालपाणी यांच्याशी संपर्क साधावा. स्पर्धेच्या यशस्वी आयोजनासाठी अध्यक्ष अनिल ओसवाल, सचिव कल्पना मेहता, रमेश मेहता, संतोष गिल्डा, अनिकेत बडवे आदींनी पुढाकार घेतला आहे.