मधुरिका पाटकरचा गौरव
मुंबई : 'जिंकायचेच आहे, या इर्ष्येने राष्ट्रकुलमध्ये भाग घेतला होता. तुम्ही पाहिलेच असेल की आम्ही सामना जिंकल्यावर आम्ही एकत्र येऊन गोल उभ्या राहून उड्या मारयचो. आपला विनिंग क्षण असा साजरा करायचा हे आम्ही तेव्हाच ठरवले होते. तिथे वैयक्तिक कामगिरी महत्त्वाची नव्हती, सांघिक स्पर्धेत खेळताना सगळ्यांनी एका कुटुंबासारखे राहणे गरजेचे होते. जे आम्ही केले. त्याची झलक आमच्या सांघिक कामगिरीत दिसली,' असे मत गोल्ड कोस्ट राष्ट्रकुलमध्ये ऐतिहासिक सुवर्णपदक पटकावणाऱ्या भारतीय महिला टेबल टेनिस संघातील प्रमुख सदस्य मधुरिका पाटकरने व्यक्त केले. तिचा हा गौरव करण्यात आला.