म. टा. प्रतिनिधी, औरंगाबाद
जालना जिल्हा क्रीडा अधिकारी कार्यालय व जिल्हा क्रीडा परिषद यांच्या संयुक्त विद्यमाने सोमवारी (१७ जुलै) क्रीडा संघटनांची बैठक आयोजित करण्यात आली आहे. या बैठकीत आंतर शालेय क्रीडा स्पर्धांचे वेळापत्रक निश्चित करण्यात येणार आहे. तसेच क्रीडा स्पर्धांची पूर्वतयारी, खेळातील नवीन तंत्रज्ञानांची माहिती, नियम, अटी यांची माहिती देण्यात येणार आहे. जिल्हा क्रीडा संकुलात सोमवारी सकाळी अकरा वाजता ही बैठक होणार आहे. या बैठकीस मान्यता प्राप्त खेळाच्या जिल्हा संघटनांचे अध्यक्ष अथवा सचिवांनी उपस्थित रहावे, असे आवाहन जिल्हा क्रीडा अधिकारी प्रमोदिनी अमृतवाड यांनी केले आहे.