नागपूर : नागपूर जिल्हा टेबल टेनिस संघटनेतर्फे आयोजित समर लीग टेबल टेनिस स्पर्धेत टायटन 'ए' आणि टायटन 'बी' संघाने शुक्रवारी झालेल्या लढतीत प्रतिस्पर्धीला नमवून विजयी अभियान कायम ठेवले. वर्धा रोडवरील शक्ती क्लबमध्ये ही स्पर्धा सुरू आहे. टायटन 'ए' संघाने उत्कृष्ट खेळाचे प्रदर्शन करीत डीएनसी 'सी' संघाला ३-० असे पराभूत केले. जुई पेंढारकरने यश बगदेवला ११-४, ११-३ असे पराभूत केले. अनघ भोंडवेने ए. कांबळेला ११-०, ११-१ असे नमवून आघाडी घेतली. तिसऱ्या लढतीत आदि चिटणीसने एस. जाधवला ११-३, ११-४ असे पराभूत करीत संघाच्या विजयावर शिक्कामोर्तब केले. टायटन 'बी' संघाने टॉरपीड संघाला ३-० असे पराभूत केले. अर्पित सप्रेने वैभव राणेला ११-८, ११-९ असे पराभूत करून १-० अशी आघाडी घेतली. अनन्या सकळकडेने मयूरी देशमुखला ११-४, ११-४ असे नमवून आघाडीत वृद्धी केली. चुरशीच्या लढतीत इशा अंबईकरने अदिती शेंडेला १२-१०, ११-५ असे पराभूत करून संघाला विजय मिळवून दिला.
टायटन संघाचे विजयी अभियान कायम
नागपूर जिल्हा टेबल टेनिस संघटनेतर्फे आयोजित समर लीग टेबल टेनिस स्पर्धेत टायटन 'ए' आणि टायटन 'बी' संघाने शुक्रवारी झालेल्या लढतीत प्रतिस्पर्धीला ...
महाराष्ट्र टाइम्स.कॉम 1 Jun 2019, 4:00 am