म. टा. प्रतिनिधी, औरंगाबाद
अकोला येथे २१ ते २३ जून या कालावधीत होणाऱ्या राज्यस्तरीय सबज्युनिअर बॉक्सिंग स्पर्धेसाठी औरंगाबाद जिल्ह्याचा सबज्युनिअर बॉक्सिंग संघ निवडण्यासाठी रविवारी (१६ जून) निवड चाचणी आयोजित करण्यात आली आहे.
औरंगाबाद जिल्हा हौशी बॉक्सिंग संघटना व गुरुकुल स्पोर्ट्स फाऊंडेशनतर्फे जिल्हास्तरीय सबज्युनिअर बॉक्सिंग संघ निवडण्याकरिता निवड चाचणी रविवारी घेण्यात येणार आहे. सिडको एन-४ मधील महर्षी विद्यालयासमोरील दर्पण गार्डन येथे सकाळी दहा वाजता चाचणीस प्रारंभ होणार आहे. विविध वजन गटात चाचणी घेतली जाणार आहे, अशी माहिती सचिव नील पाटील व अरुण भोसले यांनी दिली.