म. टा. प्रतिनिधी, औरंगाबाद
जालना जिल्हा अॅथलेटिक्स संघटनेतर्फे रविवारी (दोन जून) वरिष्ठ गटाची निवड चाचणीचे आयोजन करण्यात आले आहे.
जेईएस महाविद्यालय मार्गावर असलेल्या जिल्हा परिषद कन्या प्रशालेच्या मैदानावर रविवारी सकाळी नऊ वाजता निवड चाचणी घेण्यात येणार आहे. या निवड चाचणीत सिनिअर गटातील खेळाडू सहभागी होऊ शकतील. ३१ डिसेंबर २००३ पूर्वी जन्मलेले खेळाडू पात्र ठरतील. चाचणीत सहभागी घेणाऱ्या खेळाडूंनी मुळ जन्म तारखेचा दाखला, आधार कार्ड व दोन पासपोर्ट फोटो सोबत आणणे आवश्यक आहे. या निवड चाचणीतून मुंबईत २४ व २५ जून रोजी होणाऱ्या राज्यस्तरीय वरिष्ठ गट मैदानी स्पर्धेसाठी जालना जिल्ह्याचा संघ निवडण्यात येणार आहे. अधिक माहितीसाठी जिल्हा अॅथलेटिक्स संघटनेचे सचिव डॉ. बाबू यादव व प्रमोद खरात यांच्याशी संपर्क साधावा, असे आवाहन करण्यात आले आहे.