पुणे : पुण्याच्या तृष्णा येणपुरेने सोलापूर येथे झालेल्या विभागीय शालेय कुस्ती स्पर्धेत ६१ किलो गटातून सुवर्णपदकाची कमाई केली. तृष्णाने पहिल्या लढतीत सोलापूरच्या अमृता दसेला कलाजंग डावावर चीतपट केले. पुढे अंतिम फेरीत तिने अहमदनगरच्या मृदुला सातपुतेला पराभूत करून सुवर्णयश मिळवले. या यशामुळे तिची राज्य शालेय कुस्ती स्पर्धेसाठी निवड झाली आहे. ही स्पर्धा २८ ते ३१ ऑक्टोबरदरम्यान अमरावती येथे होणार आहे. तृष्णा ही आळंदी येथे जोग महाराज व्यायाम शाळेत दिनेश गुंड यांच्या मार्गदर्शनाखाली सराव करत असून, सयाजीनाथ महाराज विद्यालयात शिकते.
तृष्णा येणपुरेची निवड
पुण्याच्या तृष्णा येणपुरेने सोलापूर येथे झालेल्या विभागीय शालेय कुस्ती स्पर्धेत ६१ किलो गटातून सुवर्णपदकाची कमाई केली...
Maharashtra Times 25 Oct 2018, 4:00 am