बायचुंग भुतिया
हिरो इंडियन सुपर लीगमध्ये नवा बदल दिसून येत आहे तो तरुण खेळाडूंची निवड करून त्यांना आपल्या ताफ्यात समाविष्ट करण्याचा. जगभरात खरे तर ही पद्धत पाहायला मिळते. तिथे स्टार खेळाडूंच्या मागे न लागता तरुण, नवोदित खेळाडूंना अधिक संधी दिली जाते. अर्थात, त्यात अपवाद आहे तरीही संघात तरुण खेळाडू आणि अनुभवी खेळाडू यांचे मिश्रण असावे, याबाबत काळजी घेतली जाते. इंडियन सुपर लीगदेखील तरुणांवर लक्ष केंद्रित करत आहे. त्यामुळे खर्चातही कपात होते आणि खेळाडूंना नफ्यातील हिस्सा देणेही शक्य होते. १७ वर्षांखालील वर्ल्डकप फुटबॉल स्पर्धेतील अनेक खेळाडू लीगमध्ये खेळत आहेत. त्यांनी कामगिरीही छान झाली आहे. धीरज सिंग, कोमल थाटल, मोहम्मद नवाझ या खेळाडूंनी मला प्रभावित केले आहे. (गेमप्लान)