जकार्ता : भारताने आशियाई क्रीडा स्पर्धेतील ब्रिजमध्ये पुरुष आणि मिश्र सांघिकमध्ये ब्राँझपदके मिळवले. या खेळाचा 'एशियाड'मध्ये प्रथमच समावेश करण्यात आला आहे. पुरुष संघाने उपांत्य फेरीत प्रवेश करून ब्राँझपदक निश्चित केले होते. मात्र, रविवारी भारतीय संघाला उपांत्य फेरीचा अडथळा पार करता आला नाही. उपांत्य फेरीत भारताला सिंगापूरने पराभूत केले. यानंतर मिश्रमध्ये भारताला थायलंडकडून पराभव पत्करावा लागला. पात्रता फेरीत भारतीय पुरुष ब्रिज संघाने चौथे स्थान मिळवले होते, तर मिश्र संघ अव्वल स्थानावर होता. सुपर मिश्रमध्ये भारतीय संघाला उपांत्य फेरीत पात्र ठरता आले नव्हते. पुरुष संघात जे. शिवदासानी, राजेश्वर तिवारी, अजय खरे, राजू तोलानी, डी. मजूमदार आणि सुमीत मुखर्जीचा समावेश आहे. मिश्र संघात किरण नादार, हेमा देओरा, हिमानी खंडेलवाल, बी. सत्यनारायणा, गोपीनाथ मन्ना आणि राजीव खंडेलवालचा समावेश आहे.
ब्रिजमध्ये दोन ब्राँझपदके
भारताने आशियाई क्रीडा स्पर्धेतील ब्रिजमध्ये पुरुष आणि मिश्र सांघिकमध्ये ब्राँझपदके मिळवले या खेळाचा 'एशियाड'मध्ये प्रथमच समावेश करण्यात आला आहे...
Maharashtra Times 27 Aug 2018, 4:00 am