पुणे: गेल्या काही वर्षांपासूनची खो-खो लीगची प्रतीक्षा संपुष्टात येत आहे. पहिल्यावहिल्या अल्टीमेट खो-खो लीगला रविवारपासून (१४ ऑगस्ट) सुरुवात होत असून, सहा संघ विजेतेपदासाठी झुंजणार आहेत. पारंपरिक खो-खोला थोडा वेगळा ‘तडका’ देण्याचा प्रयत्न या लीगद्वारे करण्यात आला आहे.
म्हाळुंगे-बालेवाडी येथील शिवछत्रपती क्रीडानगरीत ही स्पर्धा १४ ऑगस्ट ते ४ सप्टेंबरदरम्यान रंगणार आहे. एप्रिल २०१९मध्ये सर्वप्रथम या लीगची संकल्पना मांडण्यात आली होती. ‘लीगच्या थेट प्रक्षेपणाने खो-खोतील स्टार खेळाडू आता घराघरात पोचतील आणि यातून नवोदित खो-खोपटूंचे कौशल्य बघायला मिळेल. त्या-त्या राज्यांनाही चांगले खेळाडू या लीगद्वारे मिळतील,’ असा विश्वास या लीगचे मुख्य कार्यकारी अधिकारी तेनझिंग नियोगी यांनी व्यक्त केला. या वेळी पत्रकार परिषदेत सर्व संघांचे कर्णधार आणि प्रशिक्षक उपस्थित होते.
‘या लीगमध्ये नऊ मिनिटांऐवजी सात मिनिटांचा डाव असणार आहे. ‘वजीर’ संकल्पना यात समाविष्ट करण्यात आली आहे. ‘पॉवरप्ले’देखील असेल. मैदानाचा आकार तुलनेत थोडा कमी असणार आहे. सर्व सामने चुरशीचे व्हावेत, यासाठी नियमांत काही बदल करण्यात आले आहेत,’ असे तेनझिंग म्हणाले. या नव्या फॉरमॅटशी जुळवून घेताना सुरुवातीला वेळ लागला. मात्र, यासाठी आयोजित करण्यात आलेल्या शिबिराचा फायदा झाला, असे तेलुगू संघाचा प्रतीक वाईकर म्हणाला. या लीगमध्ये मुंबई खिलाडीज, चेन्नई क्विकगन्स, गुजरात जायंट्स, ओडिशा जगरनॉट्स, राजस्थान वॉरियर्स आणि तेलुगू योद्धाज असे सहा संघ आपले कौशल्य दाखवतील.
वाचा-पुजाराच्या अंगात सेहवाग संचारला; गोलंदाजांची बेदम धुलाई, २२ चेंडूत अर्धशतक तर...
याच वर्षी लीगमध्ये पुण्याचा संघही दिसला असता. मात्र, काही तांत्रिक कारणास्तव हा संघ मैदानात येऊ शकला नाही. मात्र, भविष्यात लीगमध्ये संघांची संख्या वाढेल आणि इतर राज्यातही लीगचे सामने होतील, असा विश्वास तेनझिंग यांनी व्यक्त केला.
खेळाडूंच्या डोपिंग टेस्ट
या स्पर्धेदरम्यान खेळाडूंची ‘डोपिंग टेस्ट’ होणार असल्याचे तेनझिंग यांनी सांगितले. यासाठी ‘नाडा’चे अधिकारी स्पर्धेदरम्यान उपस्थित राहणार आहेत. याची कल्पना सर्व खेळाडू आणि प्रशिक्षकांना देण्यात आली आहे. स्पर्धेची बक्षीस रक्कम लवकरच जाहीर करण्यात येईल, असेही तेनझिंग म्हणाले.
रंगारंग उद्घाटन
या स्पर्धेत दररोज दोन सामने होतील. सायंकाळी सात वाजता पहिला सामना सुरू होईल. उद्घाटनाच्या सामन्यापूर्वी रविवारी सहा वाजता उद्घाटन सोहळा आयोजित करण्यात आला आहे. या उद्घाटन सोहळ्यावर स्वातंत्र्याच्या अमृतमहोत्सवाची छाप असेल, असे तेनझिंग यांनी सांगितले. पहिल्या दिवशी गुजरात-मुंबई आणि चेन्नई-तेलुगू यांच्या लढती होतील. या लीगचे थेट प्रक्षेपण सोनी नेटवर्कवरून होणार आहे. या लीगमधील सामन्यांचे नाममात्र शुल्क असणार आहे.
म्हाळुंगे-बालेवाडी येथील शिवछत्रपती क्रीडानगरीत ही स्पर्धा १४ ऑगस्ट ते ४ सप्टेंबरदरम्यान रंगणार आहे. एप्रिल २०१९मध्ये सर्वप्रथम या लीगची संकल्पना मांडण्यात आली होती. ‘लीगच्या थेट प्रक्षेपणाने खो-खोतील स्टार खेळाडू आता घराघरात पोचतील आणि यातून नवोदित खो-खोपटूंचे कौशल्य बघायला मिळेल. त्या-त्या राज्यांनाही चांगले खेळाडू या लीगद्वारे मिळतील,’ असा विश्वास या लीगचे मुख्य कार्यकारी अधिकारी तेनझिंग नियोगी यांनी व्यक्त केला. या वेळी पत्रकार परिषदेत सर्व संघांचे कर्णधार आणि प्रशिक्षक उपस्थित होते.
‘या लीगमध्ये नऊ मिनिटांऐवजी सात मिनिटांचा डाव असणार आहे. ‘वजीर’ संकल्पना यात समाविष्ट करण्यात आली आहे. ‘पॉवरप्ले’देखील असेल. मैदानाचा आकार तुलनेत थोडा कमी असणार आहे. सर्व सामने चुरशीचे व्हावेत, यासाठी नियमांत काही बदल करण्यात आले आहेत,’ असे तेनझिंग म्हणाले. या नव्या फॉरमॅटशी जुळवून घेताना सुरुवातीला वेळ लागला. मात्र, यासाठी आयोजित करण्यात आलेल्या शिबिराचा फायदा झाला, असे तेलुगू संघाचा प्रतीक वाईकर म्हणाला. या लीगमध्ये मुंबई खिलाडीज, चेन्नई क्विकगन्स, गुजरात जायंट्स, ओडिशा जगरनॉट्स, राजस्थान वॉरियर्स आणि तेलुगू योद्धाज असे सहा संघ आपले कौशल्य दाखवतील.
वाचा-पुजाराच्या अंगात सेहवाग संचारला; गोलंदाजांची बेदम धुलाई, २२ चेंडूत अर्धशतक तर...
याच वर्षी लीगमध्ये पुण्याचा संघही दिसला असता. मात्र, काही तांत्रिक कारणास्तव हा संघ मैदानात येऊ शकला नाही. मात्र, भविष्यात लीगमध्ये संघांची संख्या वाढेल आणि इतर राज्यातही लीगचे सामने होतील, असा विश्वास तेनझिंग यांनी व्यक्त केला.
खेळाडूंच्या डोपिंग टेस्ट
या स्पर्धेदरम्यान खेळाडूंची ‘डोपिंग टेस्ट’ होणार असल्याचे तेनझिंग यांनी सांगितले. यासाठी ‘नाडा’चे अधिकारी स्पर्धेदरम्यान उपस्थित राहणार आहेत. याची कल्पना सर्व खेळाडू आणि प्रशिक्षकांना देण्यात आली आहे. स्पर्धेची बक्षीस रक्कम लवकरच जाहीर करण्यात येईल, असेही तेनझिंग म्हणाले.
रंगारंग उद्घाटन
या स्पर्धेत दररोज दोन सामने होतील. सायंकाळी सात वाजता पहिला सामना सुरू होईल. उद्घाटनाच्या सामन्यापूर्वी रविवारी सहा वाजता उद्घाटन सोहळा आयोजित करण्यात आला आहे. या उद्घाटन सोहळ्यावर स्वातंत्र्याच्या अमृतमहोत्सवाची छाप असेल, असे तेनझिंग यांनी सांगितले. पहिल्या दिवशी गुजरात-मुंबई आणि चेन्नई-तेलुगू यांच्या लढती होतील. या लीगचे थेट प्रक्षेपण सोनी नेटवर्कवरून होणार आहे. या लीगमधील सामन्यांचे नाममात्र शुल्क असणार आहे.