केपटाउन : १९ वर्षांखालील वन-डे वर्ल्ड कपला आजपासून (शुक्रवार) सुरुवात होत आहे. १७ जानेवारी ते ९ फेब्रुवारी या कालावधीत स्पर्धा होणार आहे. दक्षिण आफ्रिका आणि अफगाणिस्तान यांच्यात सलामीचा सामना होईल. चार वेळा वर्ल्ड कप विजेता भारत, तीन वेळा वर्ल्ड कप विजेता ऑस्ट्रेलियासह बांगलादेश संघालाही जेतेपदासाठी विजेतेपदाचे दावेदार समजले जात आहे. पाच उपखंडातील सोळा संघ या १३व्या युवा वन-डे वर्ल्ड कपमध्ये सहभागी झाले आहेत. या स्पर्धेत ४८ सामने खेळले जातील. भारताने ही स्पर्धा सर्वाधिक चार वेळा जिंकली आहे. यात भारताने २०००, २००८, २०१२, २०१८मध्ये जेतेपेद पटकावले आहे. त्याचबरोबर २००६, २०१६मध्ये भारत उपविजेता आहे. अ गट - भारत, जपान, न्यूझीलंड, श्रीलंका. ब गट - ऑस्ट्रेलिया, इंग्लंड, नायजेरिया, वेस्ट इंडिज. क गट - बांगलादेश, पाकिस्तान, स्कॉटलंड, झिम्बाब्वे. ड गट - अफगाणिस्तान, कॅनडा, दक्षिण आफ्रिका, यूएई.
भारताचे सामने : १९ जानेवारी वि. श्रीलंका, २१ जानेवारी वि. जपान, २४ जानेवारी वि. न्यूझीलंड.