नवी दिल्ली :
भारतीय महिला धावपटू हिमा दासने आज इतिहास रचला. २० वर्षांखालील जागतिक अॅथलेटिक्स चॅम्पियनशिप स्पर्धेत ४०० मीटर प्रकारात अंतिम फेरी जिंकून हिमाने सुवर्णपदकाला गवसणी घातली आहे. जागतिक स्पर्धेत ४०० मीटर प्रकारात सुवर्णपदक पटकावणारी हिमा पहिली भारतीय धावपटू ठरली आहे.
१८ वर्षीय हिमा ५१.४६ सेकंदात ४०० मीटर अंतर कापत पहिल्या स्थानी राहिली. हिमाने बुधवारी झालेल्या उपांत्य फेरीत ५२.१० सेकंदात ४०० मीटर अंतर कापून पहिले स्थान राखले होते. पहिल्या फेरीतही तिने ५२.२५ सेकंदात अंतर कापून वर्चस्व गाजवले होते.
आसामची हिमा एप्रिलमध्ये गोल्डकोस्ट कॉमनवेल्थमध्ये सहाव्या स्थानी राहिली होती. तेव्हा ५१.३२ सेकंदात तिने ४०० मीटरचे अंतर पार केले होते. त्यानंतर सातत्याने कामगिरी उंचावत तिने अलीकडेच आंतरराज्यीय चॅम्पियनशिपमध्ये सुवर्णपदक मिळवले होते. त्यानंतर आता आंतरराष्ट्रीय अॅथलेटिक्स फेडरेशनच्या जागतिक स्पर्धेत सुवर्णपदकाची कमाई करत हिमाने भारताच्या शिरपेचात मानाचा तुरा रोवला आहे.
भारतीय महिला धावपटू हिमा दासने आज इतिहास रचला. २० वर्षांखालील जागतिक अॅथलेटिक्स चॅम्पियनशिप स्पर्धेत ४०० मीटर प्रकारात अंतिम फेरी जिंकून हिमाने सुवर्णपदकाला गवसणी घातली आहे. जागतिक स्पर्धेत ४०० मीटर प्रकारात सुवर्णपदक पटकावणारी हिमा पहिली भारतीय धावपटू ठरली आहे.
१८ वर्षीय हिमा ५१.४६ सेकंदात ४०० मीटर अंतर कापत पहिल्या स्थानी राहिली. हिमाने बुधवारी झालेल्या उपांत्य फेरीत ५२.१० सेकंदात ४०० मीटर अंतर कापून पहिले स्थान राखले होते. पहिल्या फेरीतही तिने ५२.२५ सेकंदात अंतर कापून वर्चस्व गाजवले होते.
आसामची हिमा एप्रिलमध्ये गोल्डकोस्ट कॉमनवेल्थमध्ये सहाव्या स्थानी राहिली होती. तेव्हा ५१.३२ सेकंदात तिने ४०० मीटरचे अंतर पार केले होते. त्यानंतर सातत्याने कामगिरी उंचावत तिने अलीकडेच आंतरराज्यीय चॅम्पियनशिपमध्ये सुवर्णपदक मिळवले होते. त्यानंतर आता आंतरराष्ट्रीय अॅथलेटिक्स फेडरेशनच्या जागतिक स्पर्धेत सुवर्णपदकाची कमाई करत हिमाने भारताच्या शिरपेचात मानाचा तुरा रोवला आहे.