सिडनी:
'वेगाचा बादशहा' अशी ओळख असलेला जमैकाच्या उसेन बोल्टला ऑस्ट्रेलियात फुटबॉल खेळायचं आहे. ऑस्ट्रेलियात सुरू होत असलेल्या 'फुटबॉल प्लेइंग XI' मध्ये उसेनला खेळायचं असून त्यासाठी आपली निवड होईल असं त्याला वाटतंय. विशेष म्हणजे प्लेइंग XI मध्ये खेळण्याचं त्याचं बालपणापासूनचं स्वप्न होतं.
सिडनीत प्लेइंग XI मध्ये सुरुवातीला मॅकऑर्थर साऊथ वेस्ट युनायटेडविरोधात होणाऱ्या मैत्रीपूर्ण सामन्यात उसेन बोल्टला संधी मिळण्याची शक्यता आहे. सेंट्रल कोस्ट मरिनर्सचे त्याचे प्रशिक्षक माइक मुल्वे यांनीही तसे संकेत दिले आहेत. 'तुमच्या फिटनेसवर प्रशिक्षक खूष असणं आणि प्लेइंग XI मध्ये तुम्हाला संधी देण्यासाठी ते तयार असणं हे कोणत्याही खेळाडूसाठी महत्त्वाचं असतं. माझ्याबाबतीत हे घडतंय, ही आनंदाची बाब आहे', असं बोल्ट म्हणाला.
प्लेइंग XI मध्ये मला संधी मिळत असल्याने त्यात सर्वात चांगली कामगिरी करणार असल्याचंही त्यानं सांगितलं. ८ वेळा ऑलिम्पिकमध्ये सुवर्णपदक जिंकणाऱ्या बोल्टने ऑगस्टच्या अखेरीस फुटबॉलमध्ये पदार्पण केलं होतं.
'वेगाचा बादशहा' अशी ओळख असलेला जमैकाच्या उसेन बोल्टला ऑस्ट्रेलियात फुटबॉल खेळायचं आहे. ऑस्ट्रेलियात सुरू होत असलेल्या 'फुटबॉल प्लेइंग XI' मध्ये उसेनला खेळायचं असून त्यासाठी आपली निवड होईल असं त्याला वाटतंय. विशेष म्हणजे प्लेइंग XI मध्ये खेळण्याचं त्याचं बालपणापासूनचं स्वप्न होतं.
सिडनीत प्लेइंग XI मध्ये सुरुवातीला मॅकऑर्थर साऊथ वेस्ट युनायटेडविरोधात होणाऱ्या मैत्रीपूर्ण सामन्यात उसेन बोल्टला संधी मिळण्याची शक्यता आहे. सेंट्रल कोस्ट मरिनर्सचे त्याचे प्रशिक्षक माइक मुल्वे यांनीही तसे संकेत दिले आहेत. 'तुमच्या फिटनेसवर प्रशिक्षक खूष असणं आणि प्लेइंग XI मध्ये तुम्हाला संधी देण्यासाठी ते तयार असणं हे कोणत्याही खेळाडूसाठी महत्त्वाचं असतं. माझ्याबाबतीत हे घडतंय, ही आनंदाची बाब आहे', असं बोल्ट म्हणाला.
प्लेइंग XI मध्ये मला संधी मिळत असल्याने त्यात सर्वात चांगली कामगिरी करणार असल्याचंही त्यानं सांगितलं. ८ वेळा ऑलिम्पिकमध्ये सुवर्णपदक जिंकणाऱ्या बोल्टने ऑगस्टच्या अखेरीस फुटबॉलमध्ये पदार्पण केलं होतं.