वृत्तसंस्था, मोनॅको
जमैकाचा वेगवान धावपटू उसेन बोल्टने ख्रिस्टियानो रोनाल्डो आणि लेब्रोन जेम्स यांना मागे टाकून ‘लॉरियस स्पोर्टसमन ऑफ द इअर’ पुरस्कार पटकावला. बोल्टला चौथ्यांदा हा पुरस्कार मिळाला असून, महिला गटात जिम्नॅस्ट सिमोन बिल्सने बाजी मारली आहे. लॉरियस जागतिक पुरस्काराने नुकतेच खेळाडूंना गौरविण्यात आले.
क्रीडा क्षेत्रातील ऑस्कर म्हणून ‘लॉरियस पुरस्कार’ ओळखले जातात. रिओ ऑलिम्पिकमध्ये बोल्टने तीन सुवर्णपदके मिळवली. या कामगिरीची दखल घेऊन त्याला चौथ्यांदा या पुरस्काराने सन्मानित करण्यात आले. बोल्टने यापूर्वी २००९, २०१० आणि २०१३मध्ये हा पुरस्कार पटकावला आहे. त्याचबरोबर चार पुरस्कार मिळवणारे रॉजर फेडरर, सेरेना विल्यम्स आणि केली स्लॅटर यांच्या पंक्तीत बोल्ट जाऊन बसला आहे. महान धावपटू मायकेल जॉन्सन याच्या हस्ते बोल्ट याला हा पुरस्कार देण्यात आला. त्या वेळी जॉन्सनने, कृपया अजून काही लोकांचे विक्रम मोडू नको, अशी विनंती केली. अर्थात हे तो गमतीने बोलला. यावर बोल्टने जॉन्सनचा विक्रम मोडल्याबद्दल दिलगिरीही व्यक्त केली.
बोल्ट म्हणाला, ‘या पुरस्काराने सन्मानित केल्याबद्दल मी आभारी आहे. माझ्यासाठी लॉरियस हा नेहमीच सर्वोत्कृष्ट पुरस्कार राहिला आहे. चौथा पुरस्कार मिळवून फेडररसारख्या महान खेळाडूंच्या विक्रमाशी बरोबरी करून आनंदच होत आहे. माझ्यासाठी हा पुरस्कार विशेष आहे.’
स्पोर्टसवूमन ऑफ द इअर : सिमोन बिल्स - १९ वर्षीय जिम्नॅस्ट सिमोनने रिओ ऑलिम्पिकमध्ये चार सुवर्णपदके आणि एक ब्राँझपदक मिळवले.
कमबॅक ऑफ द इअर : मायकेल फेल्प्स - जलतरणपटू फेल्प्सने २०१२च्या ऑलिम्पिकनंतर निवृत्ती घेतली होती. पण २०१६च्या रिओ ऑलिम्पिकमध्ये पुनरागमन करून पाच सुवर्णपदके मिळवली.
ब्रेकथ्रू ऑफ द इअर : निको रॉसबर्ग- फॉर्म्युला वन चॅम्पियन रॉसबर्गला २०१४ आणि २०१५मध्ये उपविजेतेपदावर समाधान मानावे लागले होते. अखेर गेल्या वर्षी त्याने विजेतेपद पटकावले.
लॉरियस स्पोर्टस फॉर गूड अवार्ड : ऑलिम्पिक रेफ्यूजी संघ.
जमैकाचा वेगवान धावपटू उसेन बोल्टने ख्रिस्टियानो रोनाल्डो आणि लेब्रोन जेम्स यांना मागे टाकून ‘लॉरियस स्पोर्टसमन ऑफ द इअर’ पुरस्कार पटकावला. बोल्टला चौथ्यांदा हा पुरस्कार मिळाला असून, महिला गटात जिम्नॅस्ट सिमोन बिल्सने बाजी मारली आहे. लॉरियस जागतिक पुरस्काराने नुकतेच खेळाडूंना गौरविण्यात आले.
क्रीडा क्षेत्रातील ऑस्कर म्हणून ‘लॉरियस पुरस्कार’ ओळखले जातात. रिओ ऑलिम्पिकमध्ये बोल्टने तीन सुवर्णपदके मिळवली. या कामगिरीची दखल घेऊन त्याला चौथ्यांदा या पुरस्काराने सन्मानित करण्यात आले. बोल्टने यापूर्वी २००९, २०१० आणि २०१३मध्ये हा पुरस्कार पटकावला आहे. त्याचबरोबर चार पुरस्कार मिळवणारे रॉजर फेडरर, सेरेना विल्यम्स आणि केली स्लॅटर यांच्या पंक्तीत बोल्ट जाऊन बसला आहे. महान धावपटू मायकेल जॉन्सन याच्या हस्ते बोल्ट याला हा पुरस्कार देण्यात आला. त्या वेळी जॉन्सनने, कृपया अजून काही लोकांचे विक्रम मोडू नको, अशी विनंती केली. अर्थात हे तो गमतीने बोलला. यावर बोल्टने जॉन्सनचा विक्रम मोडल्याबद्दल दिलगिरीही व्यक्त केली.
बोल्ट म्हणाला, ‘या पुरस्काराने सन्मानित केल्याबद्दल मी आभारी आहे. माझ्यासाठी लॉरियस हा नेहमीच सर्वोत्कृष्ट पुरस्कार राहिला आहे. चौथा पुरस्कार मिळवून फेडररसारख्या महान खेळाडूंच्या विक्रमाशी बरोबरी करून आनंदच होत आहे. माझ्यासाठी हा पुरस्कार विशेष आहे.’
स्पोर्टसवूमन ऑफ द इअर : सिमोन बिल्स - १९ वर्षीय जिम्नॅस्ट सिमोनने रिओ ऑलिम्पिकमध्ये चार सुवर्णपदके आणि एक ब्राँझपदक मिळवले.
कमबॅक ऑफ द इअर : मायकेल फेल्प्स - जलतरणपटू फेल्प्सने २०१२च्या ऑलिम्पिकनंतर निवृत्ती घेतली होती. पण २०१६च्या रिओ ऑलिम्पिकमध्ये पुनरागमन करून पाच सुवर्णपदके मिळवली.
ब्रेकथ्रू ऑफ द इअर : निको रॉसबर्ग- फॉर्म्युला वन चॅम्पियन रॉसबर्गला २०१४ आणि २०१५मध्ये उपविजेतेपदावर समाधान मानावे लागले होते. अखेर गेल्या वर्षी त्याने विजेतेपद पटकावले.
लॉरियस स्पोर्टस फॉर गूड अवार्ड : ऑलिम्पिक रेफ्यूजी संघ.