सासरी सापडला कुस्तीपटूचा मृतदेह; मृत्यूच्याआधी फेसबुक लाइव्हमध्ये केला गंभीर आरोप

नवी दिल्ली: दिल्लीच्या उत्तम नगर परिसरात बुधवारी CWE रेसरल शुभम उर्फ राव पृथ्वी सिंह याचा संशयास्पदरित्या मृत्यू झालाय. शुभमने द ग्रेट खलीकडून प्रशिक्षण घेतले होते. दिल्ली पोलिसांनी शुभमच्या सासरच्या घरातून मृतदेह ताब्यात घेतला आहे. या प्रकरणाची चौकशी सुरू असून मृत्युचे कारण अद्याप समोर आले नाही.

प्राथमिक चौकशीमध्ये शुभमचा मृत्यू विष घेतल्याने झाल्याचे बोलले जात आहे. दरम्यान शुभमच्या कुटुंबीयांनी सासरच्या लोकांनी विष दिल्याचा गंभीर आरोप केलाय. दुसऱ्या बाजूला हा आरोप सासरच्या लोकांनी फेटाळून लावलाय. शुभमने स्वत: विषारी पदार्थ खाऊन आत्महत्या केल्याचे त्यांनी म्हटले आहे. गेल्या काही दिवसांपासून तो सासरी होता. सासरच्या लोकांसोबत त्याचे वाद देखील सुरू होते.

वाचा- फक्त धोनीच करू शकतो; 'हे' ५ विक्रम मोडणे अवघड नाही तर अशक्यच!

मृत्यूच्या काही वेळ आधी पृथ्वी फेसबुक लाइव्ह केले होते. या लाइव्हमध्ये त्याने सासरच्या लोकांकडून मारहाणीचा आरोप केलाय. सासरच्या लोकांनी त्याला आठ महिन्याची मुलगी दिली नाही असा आरोप फेसबुक लाइव्हमधून केला होता. १५ मार्ज २०२१ रोजी दिल्लीच्या उत्तम नगर येथे राहणाऱ्या सुरभीशी त्याचा विवाह झाला होता. दोघांनी ८ महिन्याची मुलगी आहे.

वाचा- निवड समितीने दिला धक्का; वेस्ट इंडिज दौऱ्यासाठी भारतीय संघाची...

हरियाणाच्या महेंद्रगड येथील शुभम एक आंतरराष्ट्रीय रेसरल होता. २० दिवसांपूर्वी त्याने पत्रकार परिषद घेतली होती. त्यात पत्नी सुरभी सोबत अटेली येथे रेसलिंग स्पर्धा करणार असल्याचा आरोप केला होता. शुभमला दीड कोटी रुपये मिळाले होते. यावरून पती-पत्नींमध्ये वाद झाला होता, असे जय प्रकाश याने सांगितले. काही दिवसांपूर्वी त्यांनी सिंगापूर येथे आयोजित एका स्पर्धेचे विजेतेपद मिळवले होते. तेथे त्याने अनेक आंतरराष्ट्रीय खेळाडूंचा पराभव केला होता.