म.टा. क्रीडा प्रतिनिधी, नागपूर
योगा फेडरेशन ऑफ इंडियाच्यावतीने राजस्थान इंजिनीअरिंग वुमन्स कॉलेज, जयपूर येथे नुकत्याच पार पडलेल्या ४४व्या सीनिअर नॅशनल योगा स्पोर्ट्स चॅम्पियनशीप-२०१९ सीनिअर गटात जोरावर महाराष्ट्राच्या धनश्रीने आर्टिस्टिक या योग प्रकारात रौप्य पदक प्राप्त केले. अॅथलेटिक योगासन या प्रकारात धनश्रीला सहाव्या स्थानावर समाधान मानावे लागले. आत्तापर्यंत राष्ट्रीय व आंतरराष्ट्रीय स्पर्धेत केलेल्या उत्कृष्ट कामगिरीमुळे नागपूरच्या धनश्रीला स्पर्धेच्या उद्घाटनप्रसंगी खेळाडू प्रमुख म्हणून शपथविधी घेण्याचा मान मिळाला.
स्पर्धेत विविध राज्यातील सुमारे ९७० खेळाडू आले होते. महाराष्ट्र संघाने या स्पर्धेत चांगली कामगिरी करत अनेक पदके प्राप्त केली. स्पर्धेत सर्वाधिक पदके प्राप्त करत पश्चिम बंगालचा संघ प्रथम, हरयाणाचा संघ द्वितीय तर महाराष्ट्राच्या संघाला तृतीय स्थानी राहिला. चांगल्या कामगिरीच्या जोरावर धनश्रीची चेन्नई येथे होणाèऱ्या फेडरेशन कप २०१९-२० तसेच मलेशिया येथे होणाèया 'दहाव्या एशियन योगा स्पोर्ट्स चॅम्पियनशीप-२० या स्पर्धेसाठी निवड झाली आहे. तिच्या या कामगिरीबद्दल योगा फेडरेशन ऑफ इंडिया, महाराष्ट्र आणि जिल्हा योग असोसिएशनचे डॉ. रवींद्र विजेता यांनी धनश्रीचे कौतुक केले.